JW subtitle extractor

Atao ho raha mivaliky iaby
ty fahitako soratsy rey sady mifangaro.
Sarotsy aloha.
Ka laha resaky vakiteny, tsy de teako.
Tsy haiko fa tsy mahakinto ahy loatsy ty resaky boky
sady mahakamo ahy.
Tonga de mandeha an-tany hafa any ty saiko.
Tsy maintsy manoma soa ty saiko tse aho
satria maro biby ty raha teako hatao amy fotoa iny.
Tsy de tea mamaky teny aho,
fe teako ty mamaky Baiboly.
Tsy mitovy amy boky hafa raha io.
Tsy hahafaty antoky anao mihintsy.
Mivola ty olo sisany hoe
fa tsy ilàntsika sasy raha io.
Kanefa ty raha azontsika ianara anatiny ao
tena mahasoa, ndre mbia ndre mbia.
Nanampy ahy raha io mba hieritseritsy, zay vo mivola.
Hitako hoe mba midary olo aho henanizao.
Mba mandiniky hoe manao akory rozy zay,
ino ty azoko anampea an-drozy.
Tena nanampy ahy hanasoa ty toetsiko ty famakia Baiboly.
Io ro manome ahy korazy amy andro iny.
Ty bokini-Salamo vasa ro boky teako marè amy Baiboly ao,
satria mora amiko ty mahazo azy
sady tena mahakinto ahy ty raha resahiny.
Afaky militsy amy jw.org ao ty tanora,
amy zay hangalaky Baiboly, amy fivolana maro.
Lafa mila andinin-teny sisany iha,
le mety hisy lahatsoratsy manazava azy, ty sisany.
Teako koa video vaovao ao rey,
azy misy hoe fampilira bokini-zao amy Baiboly ao.
Roe na telo minity eo avao le fa azonao hoe
ino iaby ty raha hovakinao amy boky io ao.
Tena misy vokany bevata raha zay.
Ty ahy ataoko saky foto-kevitsy
na ze raha mahakinto ahy.
Ilàko tse ze raha mety hahakinto ahy,
ze raha tena hoe mikasiky ahy manoka.
Bakeo amy zay, nanjary nihateako ho raha iny.
Tena, tena mahasoa raha io, sady tena vatan-draha.
Sady mahasambatsy.
Mbo misy olo halay ani-zay koa va?

Famakia Baiboly