JW subtitle extractor

Aashajeʼeraa tü Bibliakat

Video Other languages Share text Share link Show times

Mamalainsat tamüin aashajeʼeraa karaloʼuta,
nnojotsü tayaawata aaʼu tü pütchikat.
Aashajeʼeraa karaloʼuta,
¡nnojottaasü taya süpüla tia!
Nnojotsü kachipünaain taaʼin
tü karaloʼutakalüirua,
kulajaashaatasü ne’e taaʼin sutuma.
Wattasü taaʼin suulia tü taashajeʼerakat.
Aashajeʼerüinjachi pia,
majiraashi taya,
naata ne’e kamalainkat tamüin.
Mayaainjeʼe mamalain tamüin
aashaje’eraa karaloʼuta
taashajeʼerüin tü Bibliakat,
jama nünüikin Maleiwa.
Aneerü wakuwaʼipa waashajeʼerüle shia.
Kakaliairü maʼin tü Bibliakat
saashin wayuu.
Jalouipejeʼe shia wamüin
wekirajaale sünain
aneerü wakuwaʼipa sutuma.
Teisattüin tanüiki
süka taashajeʼerawalin shia.
Sutuma taashajeʼerüin tü Bibliakat
kapülasü taaʼin sukuwaʼipa wayuu
otta takaalinjain naya.
Anoutaasü maʼin takuwaʼipa
sutuma taashajeʼerüin shia.
Sükatsüinrüin taaʼin
süpüla taaʼinrüin tü anasükat.
Kamalainshaatasü tamüin taashajeʼerüin
tü karaloʼutakat Salmo,
jama tayaawatashaatain saaʼu
jee anashaatasü pütchi suluʼu.
Eesü süpüla washakatirüin
tü Bibliakat suluʼujee Internet,
suluʼujee jw.org.
Nnojorüle piyaawatüin wanee wetsiikulo,
eesü süpüla püshajüin shia
süpüla shiiʼiyataain sooʼomüin süchiki tia.
Kamalainshaatasü tamüin
tü video suluʼukat jw,
süchikimaajatkat tü karaloʼuta
suluʼukat tü Bibliakat.
Jamüsüjaʼa pünajüle
tia videokalüirua,
pütüjamaateerü aaʼu kasain saashajaain achiki
tü karaloʼuta paashajeʼerüinjatkat,
¡anashaatasü!
Taashajeʼerawalin tü kamalainkat tamüin
suluʼu Bibliakat.
Taashajeʼerüin suluʼu tü Bibliakat
tü pütchi kamalainkat tamüin
tü sünainpünaakat tü takuwaʼipa
¡anashaatasü maʼin tia!
Acheküsü waashajeʼerüinjatüin tü Bibliakat
süpüla anainjatüin wakuwaʼipa
otta süpüla talatüinjatüin waaʼin.
¡Anashaatasü tia!