JW subtitle extractor

Jesú ka’se’ nʉnkweri, Niwipawse’ Sakuku
nʉngwa nari ʉnka’guna zʉ’n i’ngumʉ́n waseyna ni.
Birin pari, así a’zʉna ɉinari, eyma Sakuku naka
awʉngwasi, Niwipáw gwamʉ ʉnka’sisʉn nuga ni.
Eyma re’gukʉngwari inʉ nanʉnno.
Sakúkuri, re’guka awkwéy kʉnʉna ey awga ni.
Sakúkuri, i’ngwi re’gúkʉya, re’gusi
nikwʉngwa, re’gukʉngwáy,
ga’kʉnamʉ uzweykwasi a’gowna awiri eyma
kʉre’gúkʉkwa nʉkawín a’zari neyka ni.
Sakuku neykari, íkʉri azi a’zano a’zanu’
nari, nʉ’n zʉ’n azi na’zʉnniko a’zʉna ni.
Ey ʉwe’ki, Niwipawse’ re’gukʉngwasi ʉnka’gúnari
nanʉyʉ’kin re’gúkʉya ni eymari Jesu neyka ni,
awiri Jesusin re’gukʉn nukʉngwa ʉngukagwi una ni.
Eyma Sakúkuri, ku’nawa pari re’gukʉngwa ni,
Niwipawse’ ayéy nikʉngwa re’gow una ni.
Ka’se’ re’gukʉn nukʉnge’ri, yamʉn zanʉnsin
awʉ’ rinhagachu’ nari akwʉngwa ni.
A zʉ pówruse’ nanʉkwásiri, a niwikʉre’gukʉyʉkin
zoyamʉ niwikawa ni.
A ka’mʉkanʉyazey nariri, azi nikʉngwa nanʉnno.
Jesú ka’se’ nʉnkwe’ri, Niwipawse’ re’gukʉngwasi
chusana nikʉngwa neyka chwizʉnhasa una ni.
I’mʉnʉri, ɉiwʉ o a’zanika uye’ri kʉ́n
keye’ri tin nikʉngwa’sa una ni,
iwa tari zwein nuga du zákusa awʉngwa
neyka chwizʉnhasi ey ni’na ni.
Zamʉ ingʉ́ nʉnna ikʉ sʉmʉ neykase’
gʉʼkin re’gow unari Sakuku nʉnge’,
marizʉnamʉ kʉchunha awʉngwa
neyka chwizʉnhasi ey ni’na ni.
Awiri a’mʉchi a’zʉna, nayʉkwéy kʉnanu’ neyka,
wa’kʉkwéy kʉnanu’ neyka du a’kusa unari wichamʉ
tisa awʉngwa neyka chwizʉnhasi ey ni’na ni.
Wichana neykari chʉká a’kusagwi una ni,
Sakuku nʉnge’ eygwi wíchʉkwa neki ʉnnanu’ nʉngwa
re’gow awʉngwa neyka chwizʉnhasi ey ni’ na ni.
Bin zanʉngeʼ eymí zanʉngwa nʉnno,
me’zʉn awʉn me’yunʉndi,
paperi Buenas noticias de parte de Diose’
7 kʉnowkase’ mikʉnchona awiza ni.
Internetse’ jw.orgse’ de’kʉchʉnhagwi ú.
Jeuwasí ga’ yeyka ɉinari Bibriasí
miwin a’yuná awʉngwa ni.
Nʉriwía awʉn me’yunʉndi
internetse’ pari ʉnkʉsisa ú,
ey unige’ri Jeuwasí ga’ yeyka ɉina awkwéy
mikʉnanʉnge’ mika’naya awʉngwa ni.

Niwipawse’ Re’gukʉngwasi Chusanari inʉ nanʉnno