JW subtitle extractor

‎‪Jesus otáwaatowaʼpoʼtakssi,
‎‪iikohtsííkssksinimáʼtstohkiwa
‎‪Iihtsipáítapiiyoʼpa Otokákihtsimaani.
‎‪Otsitapíímiksi iihtáwaatsimoyihkaayaawa
‎‪ááhkoʼtstsissi Okákihtsimaani.
‎‪Tsá nóóhkanistápiiwa Okákihtsimaani?
‎‪Niitáʼpokákihtsimaani.
‎‪Iitstsííʼpa áókakihtsimaawa,
‎‪ohtoʼtáókakihtsimahpi,
‎‪otáókakihtsimatooʼpi,
‎‪okákihtsimaanistsi,
‎‪ki iihtsítapiiksi.
‎‪Matápiokákihtsimaanistsi
‎‪máátáísokotoiʼtsikatsiiyaawa otsitapíímoaawayi,
‎‪stámsskáótoomohtoomiaawa otsitsííhtaanoaawayi.
‎‪Iihtsipáítapiiyoʼpa Otokákihtsimaani
‎‪nóóhkitstsiiʼpa áíkamoʼtokákihtsimaawa Jesus.
‎‪Iihtsipáítapiiyoʼpa iitsípoʼtoyiiwa
‎‪Ááhkohkínniinaawaʼsi,
‎‪máttsitsípoʼtoyiiwa stsíkiksi
‎‪ááhkohkattáókakihtsimaahsaawa.
‎‪Iihtóʼtokákihtsimaatooʼpa sspóóhtsi.
‎‪Iihtsipáítapiiyoʼpa iihtomatápihtsiiwa okákihtsimaani.
‎‪Áakokákihtsimaatooma kanáóʼtakssksaahkoyi,
‎‪áaksssikáattsstooma okáʼpiistsi
‎‪iihtóʼtstsiistsi matápiokákihtsimaanistsi.
‎‪Aanistáíʼtsimiksi okákihtsimaanistsi áakohtsítapiyaawa.
‎‪Iihtsítapiiksi tsá aakánistohtohkoikiiyaawa okákihtsimaani?
‎‪Jesus iihtáíʼstamáttstohkiwa otsííkiihpi otáakanistsissi
‎‪Iihtsipáítapiiyoʼpa Otokákihtsimaani.
‎‪Jesus otáíʼssikáaattstooʼsi otánistsipahkaʼpíssi,
‎‪iihtáíʼstamáttstohkiwa otáaksikissi ohkínníínaawaʼsi,
‎‪áaksssikáaattsstooma otánistóksistotsiiʼpi ksááhkoyi.
‎‪Máttohkottsíísoyiiwa sstónnatakáítapiiksi,
‎‪iihtáíʼstamáttstohkiwa Okákihtsimaani
‎‪otáakohtssikáaattstooʼsi iipónaakssini.
‎‪Jesus otáíʼsokináápiaahsi áísttsiistomiiksi,
‎‪máátáípomatooyiksi,
‎‪kítaʼyóóhtsimiiksi,
‎‪ki iyáápstsiiyiiksi,
‎‪iihtáíʼstamáttstohkiwa otáakohkanáísoksistomioʼsi
‎‪omatápokákihtsimaahsi.
‎‪Ki otáóhkottssksipáítapiyáttsaahsi matápii,
‎‪iihtáíʼstamáttstohkiwa omatápokákihtsimaahsi
‎‪máátáakattsitstsiiʼpa iʼnssíni.
‎‪Kitááhkamáʼpssopowahtsiʼsi,
‎‪‘Tsá anistsíssi Iihtsipáítapiiyoʼpa Otokákihtsimaani
‎‪áakitssopoksístotsima ámostsska?ʼ
‎‪Iitóyiʼtsiiʼpa Iʼtáámitsinikssiistsi Iihtóʼtstsiiwa Iihtsipáítapiiyoʼpa!
‎‪Issksinimáʼtstohkssini 7.
‎‪Kitáakitohkooniiʼpa jw.org.
‎‪Jehovah Otátohkáʼtohtaaniksi áakohtááhsiʼtakiyaawa
‎‪kitááhkohtssksinimaʼtsiʼsi Naatóyssínaakssini.
‎‪Kitáakohkottssksinimaʼtsooka Naatóyssínaakssini
‎‪Jehovah Otátohkáʼtohtaani,
‎‪káákohtoiʼtoot iihtáókamanioʼpi sináákssini.

Tsá Anistápiiwa Iihtsipáítapiiyo'pa Otokákihtsimaani