JW subtitle extractor

Nan travay predikasyon an,
Jezi te pale sou
Wayòm Bondye a
plis pase nenpòt lòt sijè.
Sa fè plizyè syèk depi disip li yo
ap priye pou Wayòm sa a vini.
Men, ki sa Wayòm nan ye?
Yon wayòm se yon gouvènman.
Yon gouvènman gen yon dirijan,
yon kote l tabli,
yon tèritwa l ap dirije,
yon seri lwa
ak sitwayen.
Malerezman, anpil nan
gouvènman lèzòm yo
pa bay pèp y ap dirije yo
sa yo gen bezwen.
Yo travay nan pwòp
enterè yo pito.
Yon lòt bò,
Wayòm Bondye a gen yon
dirijan pafè, anpalan de Jezi.
Se Bondye menm ki te
chwazi l pou l vin wa.
Bondye chwazi lòt moun tou
pou dirije ak Jezi.
Wayòm sa a ap dirije
detan l nan syèl la.
Se Bondye ki ba l pouvwa
ak otorite l genyen an.
L ap gen pou l dirije tout tè a
e l ap elimine tout pwoblèm
nasyonalis lakòz.
Epi, kèlkeswa moun ki obeyi
lwa l yo ka vin sitwayen l.
Ki jan Wayòm nan pral fè
sitwayen l yo jwenn byenfè?
Lè Jezi te sou tè a,
mirak li te fè yo montre ki sa
Wayòm Bondye a pral fè.
Lè Jezi te kalme yon tanpèt,
li te montre lè l vin wa,
l ap gen kontwòl sou lanati
e l ap rezoud pwoblèm
anviwònman an.
Lè l te fè mirak pou l bay
plizyè milye moun manje,
li te montre Wayòm nan pral
elimine grangou nan monn nan.
Lè Jezi te geri moun ki malad,
ki andikape, ki soud e ki avèg,
li te bay yon apèsi sou fason tout
moun pral gen yon sante pafè
anba dominasyon l lan.
Epi, lè l te resisite moun,
li te montre l pral sèvi ak
Wayòm nan pou l retire lanmò.
Ou ka ap mande tèt ou:
Ki lè Wayòm Bondye a
pral dirije tè a?
Ki jan m ka soutni Wayòm
Bondye a depi kounye a?
Pou w jwenn plis enfòmasyon
sou sa Bib la di sou sijè sa a
ak anpil lòt sijè,
ale sou jw.org.

Ki sa Wayòm Bondye a ye?