JW subtitle extractor

Jesu Daizeze bed’ea jaradiabasidera,
audre bed’eabasi Daizeze Nok’o ʉ̃rʉ
baldu bed’eaira.
Poaga mejãchaba,
iyi k’aidubemara yiwid’ipanʉta
Daizeze Nok’o zemarẽã.
Mamina ¿k’ãrẽ Daizeze Nok’ora?
Maʉ̃ Nok’ora nok’orãba zok’abarikĩrãk’abʉ
Jõma nok’orãbara erbʉ nok’ota,
akʉza deta,
drʉa iya zok’abarita,
leyta akʉza pʉwʉrʉta.
Mamina, udabema nok’orabara
akʉdaẽ ẽbẽrãraba nesidapanʉta
awuarabʉrʉ ãyikʉza krĩchabʉ.
Daizeze Nok’obara erbʉ nok’obiata,
Jesuta,
Daizezeba diasi iyaa zok’amarẽã.
Adewara Daizezebara jʉrʉsi awuru
ẽbẽrãrata Jesumeba zok’amarẽã.
Naʉ̃ Nok’obara zok’ayi ʉ̃tʉba,
Daizezebara diayi zareata
akʉza iyaa zok’abiyi.
Zok’ayi naʉ̃ drʉata akʉza jõbiyi
bed’ea zroma naʉ̃ drʉadebʉta.
Maʉ̃ Nok’o pʉwʉrʉde edabaira,
ũrĩbara iyi leyba jarabʉta.
¿K’ãrẽta oi naʉ̃ Nok’obara iyi pʉwʉrʉitara?
Jesu nama udabasidera, iya nebia o
ũdubisi Daizeze Nok’oba k’ãrẽ oita.
Ewariaba nãgʉ zromata taʉbisi.
Naʉ̃ba ũdubisi iya zok’aseabʉta
akʉza ara oseabʉta bed’ea
zroma naʉ̃ drʉadebʉra.
Iya ẽbẽrãra mejãcha nek’obiside,
maʉ̃ba ũdubisi Daizeze Nok’obara
jõbita jarraba naʉ̃ drʉadebʉra.
Jesubara bebisi kayabeta,
wãbeẽãbeta,
kʉwʉrʉ ũrĩẽãbeta,
dãʉberreabeta,
mawũã ũdubisi iya zok’abʉrʉdera
jõmaʉ̃ta kayaẽpanaita.
Akʉza beidara jẽda piradrʉbidabara,
ũdubisi Daizeze Nok’obara jõbita beipanʉrãra.
Krĩchabaribaibara naʉ̃ta:
¿Maʉ̃ra sõbede jõma aripe oi Daizeze Nok’obara?
Karta Daizeze Bed’eabara
bed’ea biata erbʉ dayirãita
yi 7de panʉñi maʉ̃ra.
Ʉ̃tʉzebiseabʉ jw.org
Jeowa ʉ̃rʉ K’awuabipanʉrãbara
k’areba kĩrãpanʉ Daizeze Bed’ea k’awuamarẽã.
Widida internet’ne Jeowa ʉ̃rʉ k’awuabipanʉrã
abaʉba akʉ semarẽã,
bʉa jarada ũmadaude akʉza bʉa jaradamae.

¿K’ãrẽ Daizeze Nok’ora?