JW subtitle extractor

Li Jesús kixk’e xch’ool chi aatinak
chirix li X’awab’ejilal li Yos
chiru jalan chik li na’leb’.
Eb’ li xtzolom li Jesús ke’xtz’aama
naq tchalq li X’awab’ejilal li Yos.
K’aru li X’awab’ejilal li Yos?
Jun awab’ejilal naxjolomi jun li tenamit.
Sa’ jun li awab’ejilal wank jun li awab’ej,
rochochil li awab’ej,
jun li teep li tixjolomi,
li xchaq’rab’ ut li wankeb’ rub’el xwankil.
Ab’an, eb’ li awab’ej ink’a’ neke’xk’e xch’ool chiru
li na’ajmank chiruheb’ li qas qiitz’in.
Ka’ajwi’ neke’xsik’ li us cho’q reheb’.
Ab’anan,
li t-awab’ejinq sa’ li X’awab’ejilal li Yos
a’an li Jesús.
Xaqab’anb’il xb’aan li Yos ut wank xna’leb’ chi jolomink.
Li Yos kixsik’ jalaneb’ ajwi’ chik re t-awab’ejinq rikʼin rochbʼeen.
Li Awab’ejilal a’in wank sa’ choxa
ut li Yos nak’ehok re li xwankilal.
T-awab’ejinq sa’ xb’een li Ruuchich’och’
ut tixsach li najachok reheb’ li tenamit.
Wi naqaj wank rub’el li X’awab’ejilal li Yos,
tento tqapaab’ eb’ li xchaq’rab’.
K’aru tixb’aanu chirixeb’ li te’kanaaq rub’el xwankil?
Li Jesús kixk’utb’esi rik’in sachb’ach’oolej
li tixb’aanu li X’awab’ejilal li Yos.
Sa’ jun kutan, kixq’us li kaqsut-iq’.
Rik’in a’in kixk’ut naq wank xwankil
rubʼel li iq’ ut li hab’,
ut naq trisi chixjunil
li nasachok re li qasutam.
Kixk’e chi wa’ak chi mil eb’ li qas qiitz’in.
Rik’in a’in kixk’ut naq
rub’el li X’awab’ejilal li Yos
maak’a’aq chik li we’ej.
Li Jesús kixk’irtasi ajwi’ eb’ li yaj,
li yeq, li tz’apxik ut li mutz’.
Rik’in a’in kixk’utb’esi naq
maa’ani chik tyajerq naq t-awab’ejinq.
Ut, naq kixwaklesiheb’ chi yo’yo eb’ li kamenaq,
kixk’utb’esi naq li X’awab’ejilal li Yos
tixsach li xwankil li kamk.
Maare nakaak’oxla:
Wi naqawaj xnawbʼal kʼaru naxye li Santil Hu
chirix aʼin ut chirix jalan chik li naʼlebʼ,
sikʼ saʼ jw.org.