JW subtitle extractor

Wii Yeesus uf te ëyert waar,
hot er mee iwich Kot sayn Raych kexprooch
wii iwich yeetes anere theema.
Sayt tëm, tuun al woo tëm noo keen,
peete tas tas Raych khome sol.
Awer was is Kot sayn Raych?
Een raych is een rechiirung.
Een rechiirung mus een kowernant,
een rechiirungs sëts,
een teritorium,
kesetse,
un een folek hon.
Hayt se taach tuun fiile
rechiirunge sayn folek
nët mit tëm neetiche fersoriche;
xtats tas, tënke se ploos aan macht.
Awer Kot sayn Raych hot
een perfëkt Kowernant,
Yeesus.
Kot sëlepst hot tee
wii Kheenich raus kesuucht.
Kot tuut aach anere raus suuche
fer mit Yeesus se rechiire.
Tas Raych tuut
fom himel aus rechiire
un es kriit ti macht
un autoriteet fon Kot.
Es tuut iwer ti kans
ëyert rechiire
un tii wërt tan nii me
in lënter keteelt këpe.
Un yeeter mënx, woo ti kesëtse aan heert,
khan unich Kot sayn Raych leepe.
Was tuut tas Raych fer sayn folek mache?
Wii Yeesus uf te ëyert waar,
hot er torich sayne wunere ketsaycht
was Kot sayn Raych mache tuut.
Wii Yeesus een xtorëm peruycht hot,
hot er ketsaycht tas er, wii Kheenich,
ti natuer kewalte kontroliire khan
un ti propleeme
in te natuer repariire tuut.
Wii ëyer torich een wuner
tausente layt fersoricht hot,
hot er ketsaycht
tas tas Raych
ti hungernoot
wëch xafe tuut.
Wii Yeesusale sorte krankheet
keheelt hot,
hot er uns een itee këp
wii al perfëkt kesuntheet
unich sayn rechiirung kriin tuun.
Un wii Yeesus toote uf keruuft hot,
hot er ketsaycht tas
torich Kot sayn Raych
soo kaar te toot
fermacht wërt.
Awer,
Ti antwort finst tuu in te lisioon 7
fom piichelche
Kuute Aatere fon Kot fer Tich!
Tuu khanst te download mache
im site jw.org.
Yeehoowa sayn Tsayer wole kërn
mit teer ti Piipel xtutiire.
Ferlang torich te site
een Piipel xtuutium
un een fon Yeehoowa sayn Tsayer
tuut tich in te uertsayt
un am plats woos tuu wilst, kontaktiire.

Was is Kot sayn Raych?