JW subtitle extractor

Kantu Jizus staba na Téra,
kuza ki más el pâpia di el
é Reinu di Deus.
Dja txeu ténpu ki sigidoris di Jizus ta ora pa Reinu ben.
Má kuzê ki é Reinu?
Reinu é sima un govérnu.
Un govérnu ten un prizidenti,
un palásiu,
un lugar ki el ta governa,
leis
i un povu.
Má é tristi di odja
ma txeu govérnu di ómi
ka ta preokupa ku povu,
es ta pensa sô na ses kabésa.
Má, Reinu di Deus é diferenti.
El ten un Rei perfetu ki Deus skodje
ki é Jizus Kristu.
Deus tanbê skodje otus algen pa ba governa djuntu ku Jizus.
Reinu di Deus ta governa la di Séu
é Deus ki da-l puder i autoridadi.
El ta ben governa Téra interu,
pur isu tudu algen ta ben fika unidu
I kalker algen pode ser sidadon di Reinu, si el obi ku se leis.
Kuzê ki Reinu di Deus ta ben faze pa se povu?
Kantu Jizus staba na Téra,
el faze milagris ki ta mostra kuzê ki Reinu di Deus sta ben faze.
Jizus para un tenporal
i el mostra ma el é un Rei ki ta ben kontrola
forsas di naturéza i linpa Téra.‎
Kantu el faze un milagri pa da txeu algen kumida,
el mostra ma Reinu ta ben kaba ku fómi na mundu.
Kantu Jizus kura duentis, mankus surdus i ségus
el mostra ma óras ki el ben governa
tudu algen ta ben ten saúdi perfeitu.
I kantu el resusita pesoas,
el mostra má através di Reinu el ta ben kaba ku mórti.
Má talvês bu ta pergunta:
Ki ténpu ki Reinu di Deus ta ben governa Téra?
Modi ki nu pode apoia Reinu di Deus gósi?
Pa bu sabe kuzê ki Bíblia ta fla sobri kel asuntu li
i txeu otus asuntu
djobe na jw.org.

Kuzê ki é Reinu di Deus?