JW subtitle extractor

Taem Jisas i stap long wol,
hem i tokbaot Kingdom blong God
moa i bitim ol narafala samting.
Longtaem finis i kam,
ol man blong hem oli stap
prea blong Kingdom ya i kam.
?Be wanem ya Kingdom?
Wan kingdom i olsem wan gavman.
Wan gavman i gat wan man we i rul,
ples we hem i stap long hem,
ples we hem i rul long hem,
ol loa
mo ol sitisen.
Tede,
plante gavman blong man oli no givim ol samting
we ol man blong olgeta oli nidim
be oli tingbaot olgeta nomo.
Defren olgeta,
Kingdom blong God
i gat wan gudfala king, Jisas,
we God nao i jusumaot hem blong i king.
God i jusumaot sam narafala man tu
blong oli rul wetem Jisas.
Kingdom ya i stap long heven.
God nao i givim paoa mo raet
long Kingdom ya blong i rul.
Kingdom ya bambae i rul long fulwol
mo bambae i mekem se
evriman oli joen gud wanples.
Mo eni man we i obei
long ol loa blong Kingdom ya
i save kam wan sitisen.
?Wanem ol blesing we
ol sitisen blong Kingdom bae oli kasem?
Ol merikel we Jisas i mekem oli soemaot
ol samting we Kingdom blong God bae i mekem.
Taem hem i kwaetem wan bigfala win
hem i soemaot se
hem i gat paoa antap long olgela samting
mo bae i finisim
ol trabol blong envaeronmen.
Taem hem i fidim plante taosen man
hemi soemaot se
Kingdom bambae i mekem se
i no moa gat man i hanggri.
Taem Jisas i mekem man we i sik,
leg i nogud, sora i fas mo i blaen
oli kam gud bakegen
hem i soemaot se taem hem i rul
evriwan bambae oli gat gudfala helt.
Taem hem i mekem dedman i laef bakegen
hem i soemaot se
Kingdom blong God bambae i mekem
ol dedman oli laef bakegen.
Maet yu stap tingbaot se,
?Wetaem Kingdom blong God
bambae i rulum wol ya?
?Olsem wanem yu save sapotem
Kingdom blong God tede?
Blong lanem moa long wanem
we Baebol i talem long topik ya
mo sam narafala topik bakegen,
yu go long jw.org.

?Wanem Ya Kingdom Blong God?