JW subtitle extractor

Taim Jisas i autim tok
Em i skulim ol man long kingdom bilong God
Winim ol narapela tok em i autim
Winim planti handret yia
Ol disaipel bilong em
i beten long dispela kingdom i mas kam
Tasol Kingdom em wanem samting?
Kingdom em i wanpela gavman
Gavman i gat man i bosim
I gat ol narapela i insait long en
I gat hap em i lukautim
i gat lo
na ol sitisen
Tasol sori tru
planti gavman bilong ol man
i no lukautim gut ol manmeri
Ol i tingim laik bilong ol yet
Tasol Kingdom bilong God
i gat nambawan gutpela king
Jisas
God yet
i bin makim em long kamap king
God i makim ol arapela tu
long mekim wok king wantaim Jisas
Dispela Kingdom i mekim wok long heven
Em i kisim strong na namba bilong em
long God
Em bai lukautim
olgeta hap bilong graun
Na pinisim olgeta hevi
Em gavman bilong ol man i kamapim
Na man i bihainim ol lo bilong en
Bai i stap sitisen bilong en
Olsem wanem
Kingdom bai helpim ol sitisen bilong en?
Taim Jisas i stap long graun
Em i wokim ol mirakel
na dispela i soim
klia ol wok kingdom
bai mekim
Taim Jisas i mekim i dai
bikpela win na ren
Em i soim olsem taim em i stap king
Em bai kontrolim win na ren
Na stretim ol samting i bagarapim graun
Long rot bilong givim kaikai long
planti tausen manmeri
Em i soim olsem Kingdom bai pinisim
Pasin bilong i stap hangre
Taim Jisas i oraitim sik
lek nogut
yaupas na aipas
em i soim olsem olgeta
bai gat gutpela helt
taim em i bosim yumi
Na taim em i kirapim bek ol man i dai pinis
em i soim olsem long rot bilong kingdom
em bai pinisim dai
Sampela taim bai yu tingting
Wanem taim bai kingdom bilong God i
kamapim ol dispela samting?
Bekim bilong dispela askim na ol narapela
i stap long lesen 7 bilong buklet
Gutpela nius i kam long God
Yu ken daunlodim wanpela kopi
long jw.org/tpi
Ol Witnes Bilong Jehova
bai amamas long stadi long
baibel wantaim yu
Pulimapim fom i stap long intanet
na askim long baibel stadi
na wanpela witnes i stap klostu long yu
bai i kam lukim yu long taim
na ples i stret long yu

Kingdom Bilong God Em i Wanem Samting?