JW subtitle extractor

Quando Gesù el insegnea le persone,
el Regno de Dio l’era el tema principal
dela so predicassion.
E fin ancoi i so seguidori
i fà orassion che vegna questo Regno.
Ma cossa che l’è el Regno?
Regno l’è un tipo de governo.
Un governo el ga un governante,
una capital,
un teritòrio,
lege
e citadini.
L’è triste veder che ancoi tanti governi
no i ghe dà al pòpolo
quel che el ga de bisogno;
lori sol i pensa nei so interessi.
Ma el Regno de Dio el ga
un Governante perfeto, Gesù.
Dio lo ga scoliesto par esser Rè.
Dio anca el scòlie altri
par governar insieme a Gesù.
Questo Regno l’è nel cielo.
Dio el dà poder e autorità a lu.
Lu el ndarà governar tuta la Tera
e ela mai pi la sarà spartida in paesi.
Tuti i pol esser citadini
de sto Regno de Dio
se i obedisse ale so lege.
Cossa che el Regno el farà
par i so citadini?
Quando l’era qua nela Tera,
Gesù el ga mostrà par meso dei so miràcoli
cossa che el Regno de Dio el farà.
Quando Gesù el ga calmà una tempesta,
lu el ga mostrà che come Rè
el gavarà el poder de controlar
le forse dela naturesa
e de risolver i problemi ambientai.
El miràcolo de darghe da magnar
a miliari de persone
el ga mostrà che el Regno
el va finir fora
cola fame nel mondo.
Quando Gesù el ga curà defissienti,
maladi, sordi e orbi,
el ga mostrà cossita
che tuti i gavarà salute perfeta
quando lu el governarà.
E Gesù el ga ressussità persone,
mostrando che par meso del so Regno
lu el finirà fora fin cola morte.
Ti te pol domandarte:
‘Quando che el Regno de Dio
el farà ste cose?’
Cata la risposta a questa e altre domande
nela lession 7 del libreto
Bone Notìssie de Dio par Ti!.
Te pol sbassarla nel jw.org.
Par le Testimònie de Geovà,
sarà un piaser studiar la Bìblia con ti.
Domanda un stùdio bìblico
par meso del site
e una Testimònia de Geovà dela to region
la te farà una vìsita nel posto
e nela ora che l’è meio par ti.

Cossa che l’è el Regno de Dio?