JW subtitle extractor

Tamy Jesosy tambony tany teto,
raha momba Fanjakan̈any Zan̈ahary io
raha ten̈a matetiky nampianariny.
Rango efa ela firaka zioty,
pianatranany mivavaka haviany Fanjakan̈a io.
Ino ma fanjakan̈a zen̈y?
Fanjakan̈a zen̈y karazana fitondrasan̈a.
Izio misy pitondra,
tany misy iro pitondra aby io,
tany hanjakanizio,
lalàn̈a, ndreky olo indesiny.
Fanjakan̈anolombelon̈o,
tsy mahavita man̈amia raha jiaby
ilainolo indesindro.
Raha hampatsara fiain̈anandro tompiny fo
mahasetry iro.
Tsy mira zen̈y Fanjakan̈any Zan̈ahary.
Jesosy Panjaka Lavorary
nifidiny Zan̈ahary hitondra izio.
Misy olo maro koa nifidiny Zan̈ahary,
hiaraka hanjaka amy Jesosy.
Baka andan̈itry an̈y Fanjakan̈a io mitondra.
Zan̈ahary man̈amia izio
angovo ndreky fahifan̈a.
Izio hanjaka erantany,
ke han̈adoso problemo jiaby
baka amy fan̈ambonimbonian̈a firenena.
Ke lan̈ianolo man̈araka
lalàn̈any Fanjakan̈a io,
hanjary olo indesinizio.
Ino aby hatsaran̈a ho azonolony
Fanjakan̈any Zan̈ahary?
Tamy Jesosy tambony tany teto,
nan̈ano fahagagan̈a maro izy,
han̈aboahan̈a raha ataony
Fanjakan̈any Zan̈ahary.
Jesosy koa fa nampijanon̈o andra ratsy,
hita fa Panjaka mahafehy angovony natira izy,
sady hampilamin̈y tontolo iain̈ana.
Nahavita nan̈amia hanin̈y olo andrivony koa izy.
Hita tamy zen̈y fa
tsy ho hisy olo hofoatiny mosary eky
lera izy manjaka.
Jesosy nampahivan̈a olo marary,
malemy, maren̈iny ndreky gila,
ke zen̈y ahitan̈a fa
tsisy olo harary eky,
lera izy mitondra.
Mira nataony Jesosy nahavita
namelon̈o olo maty in̈y koa raha ataony,
lera izy manjaka amy tany ty.
Anao mety han̈ontany,
Izikoa tianao hahay raha
koran̈iny Baiboly momba zen̈y,
na momba raha hafa koa,
midira amy jw.org.

Karakory ma Fanjakan̈any Zan̈ahary Zen̈y?