JW subtitle extractor

Dayirã drʉara audre kĩrãwãreãbʉ
¿K’ãrẽa Daizezebara naʉ̃
drʉara kĩrãwãreã osi?
Ʉ̃tʉba edabida, naʉ̃ drʉatrʉ abapai k’ãwũãbʉ
Daizezebara osi naʉ̃ drʉara do aduba.
Iya arigide jĩga bʉsi ũmadaʉta
akʉza ariguide burgabibʉ.
Bʉesi jedeko aba k’arebaita drʉa
burga nʉmʉta poagade doidade.
Adewara naʉ̃ drʉade ne k’ãrẽ jõma zok’aibʉta
osi, maʉ̃rabawara panamarẽã.
¿K’ãrẽa bi’ia krĩchasi Daizezera
naʉ̃ drʉa kĩrãwãreã oita?
Iya k’ãgabasi, Adanba akʉza Ebaba
ẽjũã kĩrãwãreãta erpanamarẽã.
Ãyi Daizeze Bed’ea ũrĩpanʉena,
ãyita akʉza iyi wũãwũãrata
ewari jõmaʉ̃nẽ bakasi,
naʉ̃ drʉa kĩrãwãreãba birayieda.
Maʉ̃basi Daizezeba kãgabadara naʉ̃ drʉaita.
¿k’ãrẽta berabarisi?
¿K’ãrẽa idi ewadera drʉara
ẽjũã kĩrãwãreãẽ?
Biaẽãta osida, Adan Ebaʉ̃mebara
Daizeze bed’eata ũrĩẽbasi,
ewari berabari wãne zõnabadape beisida.
Aduasida ẽjũã kĩrãwãreãra.
¿Maʉ̃ba jarakĩrãbʉka Daizezeba naʉ̃
drʉa ara oyadara ara oẽ baita?
Krĩchara yi zeze abaʉba
oita de biata iyi warraita.
Maʉ̃ tẽã diayi.
Maʉ̃’a biga diaikaʉde,
yi warrabara, bia akʉẽ maʉ̃ k’area
maʉ̃ dera ãrĩwãñi.
¿K’ãrẽta oi zeze kãga bʉbara?
¿Dera ãrĩka, zarea trajadamina?
Mawũãẽ. Iyira ibiade bayi akʉza diayi
awuru mebẽrãra, maʉ̃ bia akʉpanʉrã.
Ab’arik’abʉ, Adanba jidaẽbasimina diadara,
Daizeze Bed’eaba jarabʉ iya
drʉaita krĩchadara aripe oita.
Iyi krĩchara iyabaʉta bʉ.
Daizezebara maʉ̃ nebiara mara diakĩrãbʉ
naʉ̃ drʉa ẽjũã kĩrãwãreã babʉrʉde,
sobiade panamarẽã akʉza kaya
neẽbamarẽã ewari jõmaʉ̃ne.
Ewari abaʉde widibaribaibara:
«¿Sãwũã ẽjũã biababi naʉ̃ drʉara?
¿K’airatapanai ẽjũã kĩrãwãreãnẽra?».
Naʉ̃ bed’eara panʉñi karta Daizezebara
bed’ea biata erbʉ dayirãita yi 5kode.
Bʉara ʉ̃tʉzebiseabʉ JW.ORG de.
Jeowa ʉ̃rʉ K’awuabipanʉrãbara
k’arebakĩrãbʉ Daizeze bed’ea jaradiaita.
Widida internet’ne Jeowa K’awuabipanʉrã
abaʉba akʉ zemarẽã akʉza bʉa jarada mae.

¿K’ãrẽa parãsi Daizezebara naʉ̃ drʉara?