JW subtitle extractor

Téra ten txeu kuza bunitu ki ta dexa-nu dimiradu.
Pamodi ki Deus kria Téra di kel manera spesial li?
Mésmu si nu odja-l di spasu,
Téra ka ten konparason.
Ten txeu agu na Téra ki Deus kria.
El pô-l na distánsia sértu di sól
i ta da vólta na velosidadi sértu.
El faze lua pa djuda Téra ten inklinason sértu,
asi nu ta ten ténpu txuba ku ténpu séku.
I el kria un monti kriatura bibu pa vive na Téra tanbê.
Pamodi ki Deus faze txeu sforsu pa kria Téra bunitu si?
Pamodi El krê daba Adon ku Eva,
ki éra kel primeru kazal, un kaza spetakular.
Si es kontinuaba ta obi ku Deus,
es ku ses fidjus ta viveba pa tudu ténpu
i es ta ba ta biraba Téra interu un paraízu.
É kel-li ki Deus krê fazeba ku Téra.
Nton kuzê ki kontise?
Pamodi ki Téra ka sta un paraízu?
Infilismenti, Adon ku Eva skodje ka obi ku Deus.
Dipôs es bira bédju i es móre.
Nton nu perde Paraízu.
Má kel-li krê fla ma vontadi di Deus pa Téra muda?
Imajina ma un pai rezolve faze un kaza bunitu pa se fidju.
El da-l el di prezenti.
Má envês di da-l valor,
kel fidju ka kuida dretu di prezenti ki se pai da-l
i kaza straga txeu.
Kuzê ki un bon pai ta faze?
El ta ronba kel kaza ki da-l txeu kansera?
Nau, el ta konpo kaza i el ta da-l pa un
família ki ta da kel kaza valor.
Di mésmu manera, nbóra Adon nega kel prezenti,
Bíblia ta fla-nu ma vontadi di
Deus pa Téra ka muda.
Se vontadi kontinua kel mê.
El krê da-u un prezenti:
Téra interu ta bira un paraízu
pa bu vive na el ku filisidadi i saúdi pa tudu ténpu!
Talvês bu pode pergunta:
Modi ki Téra ta ben bira un paraízu?
Kuzê ki bu ten ki faze pa bu vive pa tudu ténpu na Téra?
Pa bu sabe kuzê ki Bíblia ta fla sobri kel asuntu li
i txeu otus asuntu
djobe na jw.org.

Pamodi ki Deus kria téra?