JW subtitle extractor

Le Luʼumaʼ jach táaj jatsʼuts beetaʼanil.
¿Baʼax u tukultmaj Dios le ka tu beetaj
jach maʼalob le Luʼumaʼ?
Minaʼan uláakʼ planeta jach maʼalob
beetaʼanik jeʼex le Luʼumaʼ.
Dioseʼ tu beetaj u yantal jaʼiʼ.
Jach maʼalob le bukaʼaj náachil
yanil tiʼ le Kʼiinoʼ,
tsʼoʼoleʼ tu pʼiis xan u suut
tu paach le Kʼiinoʼ.
Le Luna xan u tsʼaamoʼ ku yáantaj
utiaʼal maʼ u chʼéebel le Luʼumaʼ
yéetel utiaʼal maʼ u píitmáan u síisil
mix u chokoil.
Tu beetaj xan u jejeláasil baʼalcheʼob
utiaʼal u kajtaloʼobiʼ.
¿Baʼaxten jach tu tsʼáaj u yóol
Dios u jatsʼutskíint le Luʼumaʼ?
Tumen u kʼáat kaʼach ka kajlak mantatsʼ
Adán yéetel Eva tiʼ junpʼéel
jatsʼuts lugar beyaʼ.
Wa ka u beetoʼob baʼax u kʼáat Dios
kaʼacheʼ Adán yéetel u paalaleʼ
yaan u kuxtaloʼob utiaʼal mantatsʼ
yéetel yaan u sutkoʼob
Paraísoil tuláakal le Luʼumaʼ.
Lelaʼ letiʼeʼ baʼax u tukultmaj
kaʼach Diosoʼ.
Baʼaleʼ ¿baʼax úuchi?
¿Baʼaxten bejlaʼeʼ maʼ junpʼéel Paraísoiʼ?
Tumen Adán yéetel Evaeʼ maʼ
tu yuʼuboʼob u tʼaan Diosiʼ,
letiʼobeʼ chʼíijoʼob yéetel kíimoʼob,
tsʼoʼoleʼ maʼ xan suunaj
Paraísoil le Luʼumaʼ.
¿Kʼexpaj wa túun le baʼax u tukultmaj
Dios desde tu káajbaloʼ?
Utiaʼal k-naʼatik le baʼax úuchaʼ
tukulteʼ
juntúul taatatsileʼ ku beetik
junpʼéel jatsʼuts naj.
Tsʼoʼoleʼ ku síik tiʼ u hijo.
Baʼaleʼ tu lugar u kanáantikeʼ,
le xiʼipaloʼ ku chaʼik u bin u kʼastal
le jatsʼuts najoʼ.
Wa uts le taatatsiloʼ,
¿baʼax ken u beete?
¿Yaan wa u jutik le naj
kex yaʼab tu tojoltaj tiʼoʼ?
Maʼ. Tumen utseʼ jeʼel u síik tiʼ juntúul
u láakʼtsil u yojel jeʼel u kanáantikeʼ.
Kex Adán maʼ tu kanáantaj le Luʼumoʼ,
jeʼex le taatatsil utsoʼ, Dioseʼ
láayliʼ yaan u béeykuntik le baʼax
u tukultmaj desde tu káajbaloʼ.
Junpuliʼ maʼ kʼexpajak le baʼax u kʼáat
u beet yéetel le Luʼumaʼ.
Dioseʼ u kʼáat ka kajlakech tiʼ junpʼéel
Paraíso tuʼux minaʼan kʼojaʼanil
yéetel yaan u yantal kiʼimak óolaliʼ.
Maʼ xaaneʼ ka tuklik:
«¿Bix kun sutbil paraísoil le Luʼumaʼ?
¿Máaxoʼob kun kuxtaloʼob teʼ Paraísooʼ?».
Lelaʼ tiʼ ku tsoʼolol
tu cinco xookil le folleto
U maʼalob péektsiloʼob Dios.
Éems le folleto teʼ jw.org.
Wa uts ta tʼaaneʼ jeʼel k-kaʼansikech
yéetel le Bibliaoʼ.
Túuxt a solicitud tiʼ Internet,
juntúul u j-jaajkunaj Jéeobaeʼ
jeʼel u xíimbaltikech teʼ hora
yéetel teʼ tuʼux maas maʼalob a wilkoʼ.

¿Baʼaxten tu beetaj Dios le Luʼumaʼ?