JW subtitle extractor

Nossa terra es simplamaing müravgliusa.
Perche ha Dieu fat il muond
uschè extraordinari?
Vis our dal universum
es la terra incumparabla.
I da aua in surabundanza.
La distanza fin al sulai es perfetta.
I nun es massa chod, ne massa fraid.
La sveltezza da la
rotaziun es precis güsta.
La glüna stabilisescha
l’inclinaziun da la terra.
Pervi da quai vaina
las differentas stagiuns.
I da üna diversità da creatüras incredibla.
Perche ha Dieu fat la terra
cun uschè bler amur pel detagl?
Dieu vulaiva regalar als prüms umans,
Adam ed Eva, ün bellischem da chasa.
Els e lur uffants vessan
pudü viver per adüna
ed ingrondir il paradis sün tuot la terra.
Precis quai d’eira l’intenziun da Dieu.
Ma perche nun esa hoz
plü ün paradis sülla terra?
Adam ed Eva nu vulaivan
far che cha Dieu disch.
Pervi da quai sun els gnüts
vegls ed han stuvü murir.
Il paradis es i pers.
Ma voul quai dir, cha Dieu
haja müdà sia intenziun?
Mettaina in cas ch’ün bap
fabricha üna chasa
cun bler temp ed energia per seis figl.
E lura regala’l ad el la chasa.
Ma impè cha’l figl es grat, nu da’l chüra
e cul temp va la in malura.
Che fess uossa il bap?
Stira’l giò quella chasa ch’el
ha fat cun usche bler’amur?
Sgüra na!
El reparess il don
e dess la chasa ad ün da seis
uffants chi’d es propcha grat.
Ün pa uschè esa eir cun Dieu:
Eir scha Adam nu d’eira
grat per quel regal,
nun ha Dieu müdà sia intenziun culla terra.
Dieu ha adüna amo listess plan.
El ans voul dar quist regal:
Ün paradis sülla terra,
ingio cha nus pudain viver furtünats
ed esser san – e quai per adüna.
Ma co gnarà refat il paradis?
E chi po viver aintalà?
Las respostas sün quellas dumondas
vegnan datas illa lecziun 5 dalla broschüra
Üna buna novità da Dieu.
Quella pudais s-chargiar giò
in differentas linguas sün
www.jw.org.
Las Perdüttas da Jehova
güdan gugent a minchün
a cugnuoscher meglder la Bibla.
Impli il formular online.
Üna Perdütta da Jehova as piglia gugent
temp per vossas dumondas sur da la Bibla –
cura ed ingio cha vus vulais.

Perche ha Dieu creà la terra?