JW subtitle extractor

Ua î to tatou fenua
i te mau mea faahiahia mau.
No te aha te Atua i poiete ai
te fenua ma te taa ê mau?
Mai te reva teitei, mea otahi roa
te reira e te faahiahia mau.
Ua poiete te Atua
i te fenua, e te pape pue noa.
Ua tano maitai te atearaa
i rotopu i te fenua e te mahana,
e ua tano maitai atoa to ’na ohuraa.
Maoti te ava‘e
e tano te oparaa o te fenua
e e fana‘o atoa te reira i te mau tau.
Ua poiete atoa oia e rave rau
mea ora e vai ra i nia i te fenua.
No te aha te Atua i na reira ’i
i to ’na poieteraa i te fenua?
No te horoa i na hoa faaipoipo
matamua, Adamu raua Eva
i te hoê nohoraa nehenehe mau.
Ia faaroo noa raua i te Atua,
e ora ïa raua e ta raua
tamarii e a muri noa ’tu
e e faariro ratou i te
fenua taatoa ei paradaiso.
Tera te opuaraa a te Atua no te fenua.
Eaha râ tei tupu?
No te aha e ere te
fenua i te paradaiso?
Ua maiti Adamu raua Eva
i te faaroo ore i te Atua.
Ua ruauhia, ua pohe e ua
ere atoa raua i te paradaiso.
Te auraa anei ïa e ua taui
te opuaraa a te Atua no te fenua?
A feruri na i te hoê papa
o tei opua i te patu i te hoê
fare nehenehe no ta ’na tamaiti.
E horoa oia ei ô no ta ’na tamaiti.
Aita râ te tamaiti i mauruuru i te reira,
aita oia i atuatu i te fare e ua ino roa.
Eaha ta te metua î i te here e rave?
E vavahi anei oia i te
fare o ta ’na iho i patu?
Eita!
E tataî râ oia, ia fana‘o te tahi
atu mero o te utuafare i te reira.
Noa ’tu aita Adamu i mauruuru i teie ô,
te parau ra te Bibilia,
aita te Atua i taui
ta ’na opuaraa no te fenua.
Te hinaaro ra oia e horoa
i teie ô, te paradaiso i nia i te fenua
ia fana‘o tatou i te hoê oraraa oaoa
e te ea maitai e a muri noa ’tu.
E ui paha oe:
‘E nafea te paradaiso
e haamau-â-hia ’i?
E o vai te ora ’tu i roto?’
E pahonohia teie nau
uiraa i roto i te haapiiraa 5
o te buka rairai
Parau apî oaoa a te Atua.
A rave noa mai i te reira i nia jw.org.
E oaoa roa te mau Ite no Iehova
i te haapii i te Bibilia e o oe.
A faaî i te aniraa e haapii
i te Bibilia i nia i ta matou reni Internet.
E farerei te hoê Ite no Iehova ia oe
i te mahana, te hora
e te vahi ta oe i maiti.

No te aha te Atua i poiete ai i te fenua?