JW subtitle extractor

‎Ʉ̃kʉrʉ religionba jarapanʉ
dayi beida tẽãra jaurede ‏zok’aibidata.
‎¿K’ãrẽta jarabʉ Daizeze Bed’eabara?
‎Daizezeba parãsi Adanra egorodeba.
‎Adan ewari jõma b’aibasi.
‎Mamina iya Daizeze bed’ea ũrĩ ẽ baside,
‎iya jarabʉrʉ kĩrãk’a, egoro babisi, wua zok’aiba ẽ b’aita.
‎¿K’ãrẽta berabaribasi Adan tẽã beibʉrʉra?
‎Jesuba iyi neũduk’awua Lazaro beiside,
‎jara ẽ basi Lazarora ʉ̃ta wãsita.
‎Awuarabʉrʉ jarasi:
‎«Dazhirã bawara zhibiara Lázaro k’ãĩ nʉmʉã».
‎¿Maʉ̃bara k’ãrẽta jarakĩrãbasi?
‎Ẽbẽra k’ãĩara k’ãĩbʉ kĩrãk’abʉ,
‎k’awua ẽ iyi audu sãwũã berabarinʉmʉra.
‎Beidabara mia k’ãrẽsida k’awua ẽ.
‎Abarika ẽbẽra k’ãĩbʉ daya daʉba bibʉ kĩrãk’a,
‎Daizeze Bed’eaba jarabʉ beidarasida jẽda piradrʉbiseabʉta.
‎Jesubara maʉ̃ta osi iyi neũduk’awua Lazaro k’area.
‎Lazaro beidara ewari kimarebasi.
‎Iyita beida tẽã zok’aibasibʉrʉ akʉza ʉ̃ta wãsibʉrʉ,
‎¿Jesubara eda zemarẽã jarakasika
‎akʉza nama egorode b’aita?
‎Mawũã ẽ. Awuarabʉrʉ, Lazarora jipa beisi maʉ̃ba joʉsida.
‎Maʉ̃ta Jesubara jẽda piradrʉbisi
‎akʉza ãba zebisi yi mebẽrãbawara.
‎Daizeze Bed’eabara jarabʉ ewari zeita,
‎ẽbẽrarã mejãcha beidara jẽda piradrʉita,
‎Lazaro berabarida kĩrãk’a.
‎Jesura bi’ia bed’easi naʉ̃ ʉ̃rʉ, iya jaraside:
‎«Mʉnebemata ĩjã b’ʉra beubʉrʉsid’a zok’ai b’aya».
‎Ewaria abaʉde naʉ̃ta krĩchabaribaibara:
‎¿K’airãta jẽda piradrʉdai?
‎akʉza ¿k’ãrẽta jaradiabʉ ẽbẽra jẽda piradrʉibara Jeowa ʉ̃rʉ?
‎Naʉ̃ra panʉyi,
‎Daizezebara Bed’ea biata erbʉ dayirãita yi 6de.
‎Bʉara ʉ̃tʉzebiseabʉ jw.org de.
‎Jeowa ʉ̃rʉ K’awuabipanʉrãbara
‎k’arebakĩrãbʉ Daizeze Bed’ea jaradiaita.
‎Widida internet’ne Jeowa ʉ̃rʉ K’awuabipanʉrã abaʉba
‎akʉ zemarẽã bʉa jarada ũmadaʉde akʉza bʉa jarada mae.

¿Samadogo dayi beibʉrʉdera?