JW subtitle extractor

Agama ḇebor na, soḇe fyor snonkaku oso imar ido
ḇar ḇese ro snonkaku ani ikenem pdef.
Ḇape rosai Refo ikofen ya?
Allah ifrur snonkaku ḇerandak, Adam i, ro saprop.
Bisa nya kankenem fyoro ya
Ḇape isoasuser Allah I ḇa,
inja imar ma kyaḇer fa ḇyesaprop wer.
Rariso kuker Adam roma kpu up ḇyesya?
Fyor sikofenḇair ḇe Yesus i
kuker bati ḇyedi Lazarus i imarkwar,
Yesus doḇe Lazarus ryabe nanki ḇa.
Ḇape, ikofen
”Lazarus naek koḇedi denef kwar.”
Rosai maksud ya?
Snonkaku ḇeyenef moser sya
sifawi roi na ḇeḇejadi ro ris sena ḇa
ma sifrur roiyo ḇaḇeri,
ḇemar sya simnis rarirya.
Snonkaku ḇeyenef sya bisa koḇansi
Refo ya ikofen
Snonkaku ḇemar sya na sikenem wer.
Iso Yesus ifrur faro Lazarus i.
Lazarus imar ras ri fyak kwar.
Ma na ḇar oso ro Lazarus isya ikenem
ma ryaḇe nanki ido,
nari Yesus iwan Lazarus i fa dado ro nanki
ma ikenem ro supswan ine ḇer ke?
Aroḇa.
Lazarus denef ro kubir.
Yesus ḇyaḇes Lazarus i
ma ikenem kuker kina ḇyesya wer.
Refo ya ikofen
ro fafisu oso snonkaku ḇemar sya
na sikenem wer
imnis ra Lazarus i.
Yesus ikako dawos asas anine
fyor ikofen:
”Snonkaku ḇekyar ḇa Aya sya
simar kwar raryano
nari sikenem wer.”
Imbude Kwara:
Mansei na ḇekenem sya?
Rosai kofarkor ro Yahwe I
kuker kaḇakḇok ya?
Kankarem ya nasya ro
Farkarkor wonem
Syap Ankakinem Ḇebye Ḇerama ro Allah!
Bisa wun syap ine ro jw.org
Saksi-Saksi Yahwe
simarisen sifnoḇek au fa farkor Refo ya.
Waser formolir ro situs nkobedi
ma na Saksi oso imarisen ifnobek au
fa farkor Refo ya ro
oras ma mob wamarisen ya.

Snonkaku Ḇemar Sya Moḇsa Sḇerai?