JW subtitle extractor

Kuazi tudu relijion ta inxina ma ten un párti
di nos ki ta kontinua bibu dipôs ki nu móre.
Má kuzê ki Bíblia ta inxina?
Deus uza téra pa kria primeru ómi, Adon.
El tinha xansi di vive pa tudu ténpu.
Má kantu el skodje ka obi ku Deus,
Deus fla-l ma el ta biraba téra otu bês,
ô ma el ta dexaba di izisti.
I kes otu algen ki móre dipôs di Adon?
Kantu es fla Jizus ma se amigu Lázaru móre,
Jizus ka fla ma Lázaru bai pa séu.
Má, el fla:
‘Nos amigu, dja durmi’.
Kuzê ki el krê flaba?
Sima un algen ki sta na sónu pizadu ka ta faze nada
i nen el ka ta da kónta di nada ki sta kontise,
mortus ka sabe di más nada.
Tanbê, sima nu pode korda un algen ki sta na sónu pizadu,
Bíblia ta mostra ma mortus pode kordadu.
É kel-li ki Jizus faze ku se amigu Lázaru.
Dja tinha kuatu dia ki Lázaru staba mortu.
Si algun párti di Lázaru staba bibu i el bai pa séu,
Jizus ta traba el di séu i ta obrigaba
el ben vive na Téra otu bês?
Nau.
Lázaru staba ta durmi na sipultura.
Jizus resusita-l i el ben vive djuntu ku se família otu bês.
Bíblia ta promete ma ta ben ten
un ténpu ki un monti di algen ta ben resusitadu,
sima kontise ku Lázaru.
Jizus pâpia di kel speransa rei di sábi li kantu el fla:
‘Ken ki mostra fé na mi,
sikrê el móre, el ta ben vive otu bês’.
Talvês bu pode pergunta:
Kuzê ki é resureison?
Modi ki nu pode lida ku dór di perde un algen ki nu ta ama?
Pa bu sabe kuzê ki Bíblia ta fla sobri kel asuntu li
i txeu otus asuntu
djobe na jw.org.

Kuzê ki ta kontise ku nos óras ki nu móre?