JW subtitle extractor

Óoliʼ tuláakal le religionoʼob kaʼansik yaan baʼax ku pʼáatal kuxaʼanil tiʼ máak kéen kíimkoʼ.
Chéen baʼaleʼ, ¿baʼax ku kaʼansik le Bibliaoʼ?
Adaneʼ beetaʼab yéetel luʼum tumen Dios.
Tiʼ letiʼeʼ tsʼaʼab u páajtalil
u kuxtal minaʼan u xuul.
Chéen baʼaleʼ ka xuʼul u yuʼubik u tʼaan Dioseʼ,
suunaj teʼ luʼum jeʼex aʼalaʼabiktiʼoʼ,
bey xuʼulik u kuxtaloʼ.
¿Kux túun u paalaloʼob Adán?
Ka kíim Lázaro, u amigo Jesuseʼ,
letiʼeʼ maʼ tu yaʼalaj wa bin kaʼaniʼ,
baʼaxeʼ tu yaʼalaj:
«K-amigo Lázaroeʼ táan u wenel».
¿Baʼax tu yóotaj u yaʼale?
Jeʼex juntúul máax tʼúubul u wenel
maʼ u yojel yéetel mix tu yuʼubik
baʼax táan u yúuchleʼ,
le kimenoʼoboʼ junpuliʼ maʼ u yojloʼob mix baʼaliʼ.
Baʼaleʼ jeʼex juntúul máak tʼúubul u wenel
jeʼel u yajsaʼaleʼ.
Le Bibliaoʼ ku yaʼalikeʼ le máaxoʼob kimenoʼoboʼ
jeʼel xan u béeytal u yajsaʼaloʼobeʼ.
Lelaʼ letiʼeʼ baʼax tu beetaj Jesusoʼ.
Lázaroeʼ tsʼoʼok kaʼach u máan cuatro dias kíimik.
Wa tiaʼan kaʼach Lázaro teʼ kaʼanoʼ,
¿obligartaʼab wa tumen Jesús utiaʼal
ka suunak way Luʼumeʼ?
Maʼatech.
Lázaroeʼ bey táan kaʼach u wenel teʼ muknaloʼ.
Jesuseʼ tu kaʼa kuxkíintaj
le oʼolal béeychaj u kaʼa muchʼkuba
yéetel u láakʼtsiloʼob.
Le Bibliaoʼ ku yaʼalikeʼ
yaan u kʼuchul u kʼiinil u kaʼa kuxkíintaʼal máak
jeʼex líiʼsaʼabik Lázaroeʼ.
Jesuseʼ bey úuchik u yeʼesik ka tu yaʼalaj lelaʼ:
Le máax ku tsʼáaik u fe tiʼ teneʼ,
kex ka kíimkeʼ yaan u kaʼa kuxtal».
Maʼ xaaneʼ ka tuklik:
«¿Máaxoʼob kun kaʼa kuxkíintbiloʼob?
¿Baʼax ku kaʼansiktoʼon yoʼolal Jéeoba
le u kaʼa kuxkíintaʼal le kimenoʼoboʼ?»
Lelaʼ tiʼ ku tsoʼolol tu seis xookil le folleto
U maʼalob péektsiloʼob Dios.
Éems le folleto teʼ jw.org.
Wa uts ta tʼaaneʼ jeʼel k-kaʼansikech
yéetel le Bibliaoʼ.
Túuxt a solicitud tiʼ Internet.
Juntúul u j-jaajkunaj Jéeobaeʼ
jeʼel u xíimbaltikech teʼ hora
yéetel teʼ tuʼux maas maʼalob a wilkoʼ.

¿Baʼax kun úuchul yéetel le kimenoʼoboʼ?