JW subtitle extractor

Quasi tute le religion le insegna
che una parte de noantri
la continua a viver dopo dela morte.
Ma cossa che la Bìblia la insegna?
Dio el ga creà el primo omo,
Adon, dela polver.
Adon el gavea la oportunità
de viver par sempre.
Ma quando el ga scoliesto desobedir,
Dio el ga dito che lu el ritornaria
ala polver, o sìpia,
el assaria de esister.
E quei che i ze morti dopo de Adon?
Quando Gesù el ga savesto
che el so amigo Làsaro l’era morto,
Gesù no’l ga dito
che l’era ndato al cielo.
Ma lu el ga dito: “Làsaro, nostro amigo,
el se ga indormensà.”
Cossa che Gesù el volea dir?
Cossita come una persona
che la ze drio dormir un sono profondo
no la sa quel che sucede intorno de ela,
anca i morti no i sa pròpio gnente.
Ma, cossita come se pol desmissiar
una persona che la ze drio dormir,
la Bìblia la dise
che anca se pol desmissiar i morti.
Gesù el ga fato pròpio questo
col so amigo Làsaro.
Fea belche quatro giorni
che Làsaro l’era morto.
Se una parte de lu la continuesse viva
e la fusse ndata al cielo,
sarà che Gesù lo ciaparia del cielo
e lo menaria qua nantra volta
par viver nela Tera?
Nò. Làsaro l’era drio dormir nel Sepolcro.
Gesù el ghe ga dato la vita nantra volta
e Làsaro l’era nantra volta
cola so fameia.
La Bìblia la promete che un giorno
tante persone le sarà ressussitade,
compagno Làsaro.
Gesù el ga parlà de questa
maraveiosa promessa quando el ga dito:
“Quel che el eserse fede in mi,
anca se el more, el viverà nantra volta.”
Fursi ti te domandi:
Te pol catar le risposte a queste domande
nela lession 6 del libreto
Bone Notìssie de Dio par Ti!.
Te pol sbassarlo nel jw.org.
Par le Testimònie de Geovà,
sarà un piaser studiar la Bìblia con ti.
Domanda un stùdio bìblico
par meso del site
e una Testimònia de Geovà dela to region
la te farà una vìsita nela ora
e nel posto che l’è meio par ti.

Cossa che sucede quando morimo?