JW subtitle extractor

Te haapii ra fatata
pauroa te haapaoraa
e e ora mai te tahi mea
ia pohe te taata.
Eaha râ ta te
Bibilia e haapii ra?
Ua poiete te Atua i te taata matamua
ra o Adamu i te repo fenua.
I nehenehe na oia e
ora e a muri noa ’tu.
Ua faaoti râ Adamu e
faaroo ore i te Atua,
e ua parau te Atua ia ’na e
e ho‘i oia i te repo, e mou oia.
E no tei pohe i
muri mai ia Adamu?
I te faaiteraahia Iesu e ua
pohe to ’na hoa Lazaro,
aita oia i na ô e ua
reva Lazaro i te ra‘i.
Ua parau râ oia:
“Te taoto nei to tatou hoa o Lazaro.”
Eaha te auraa?
Mai te tahi taata ua varea
roa i te taoto aita e ohipa ra
e aita e ite ra i te tupu
ra na pihai iho ia ’na,
aita ïa to te feia
pohe e mana‘o a‘e.
Hau atu â, e nehenehe e
faaara i te tahi taata e taoto ra,
te faaite ra te Bibilia e
e nehenehe atoa e faaara
i te tahi taata mai te pohe mai.
O ta Iesu ïa i rave
no to ’na hoa Lazaro.
A maha mahana
to Lazaro poheraa.
Ahani i te poheraa Lazaro ua ora
mai te tahi mea tei reva i te ra‘i,
e haapou anei Iesu i te reira mai te
ra‘i mai no te ora faahou i te fenua?
Eita.
Ua taoto râ Lazaro
i roto i te menema.
Ua faaho‘i Iesu ia ’na i te ora a farerei
faahou atu ai oia i to ’na utuafare.
Te fafau ra te Bibilia
e tae mai te mahana e faatiahia mai
ai e rave rahi taata mai ia Lazaro.
Ua faahiti Iesu i teie
tiaturiraa faahiahia ia ’na i parau:
“Ia pohe noa ’tu te taata o
te faatupu i te faaroo ia ’u,
e ora faahou mai oia.”
Te ui ra paha oe:
‘O vai te faaho‘ihia mai i te ora?
Eaha ta te tia-faahou-raa e faaite
mai ra no nia i te Atua ra o Iehova?’
E pahonohia teie uiraa e te
tahi atu i roto i te haapiiraa 6
o te buka rairai
Parau apî oaoa a te Atua!
Ta oe ïa e nehenehe e
rave mai i nia jw.org.
E oaoa te mau Ite no Iehova
i te haapii ia oe i te Bibilia.
A faaî i te aniraa i nia i te reni
Internet no te hoê haapiiraa Bibilia.
E haere mai te
hoê Ite no Iehova
e farerei ia oe i te taime
e te vahi ta oe e maiti.

Eaha te tupu ia pohe te taata?