JW subtitle extractor

Fivavaha maro ro mampianatsy hoe
mbo misy fanahy velo lafa maty ty olo.
Fe ino ty raha ampianarini-Baiboly?
Niforoni-Ndranahary tamy lemboky Adama,
azy lahilahy voalohany iny.
Afaky ho nivelo zisiky farany ie.
Fe lafa nifily ty
tsy hanoriky safà Ndranahary ie,
le nimpoly ho lemboky ndraiky,
zany hoe tsy misy sasy.
Ka manao akory ty olo nimaty tafarany Adama?
Lafa Jesosy nivola hoe maty Lazarosy namany,
le tsy nanao ho zao ie hoe
nanan-danitsy any Lazarosy.
Ho zao ty nivolaniny:
“Miroro Lazarosy namantsika.”
Ino ty teany hovolany?
Lafa miroro marè ty olo raiky,
le tsy afaky manao raha
sady tsy mahay ty raha miseho.
Tsy mahay ndre ino ndre ino
manahaky zay koa ty olo lafa maty.
Fe azo fohazy ty olo raiky
ndre miroro marè manao akory.
Asehoni-Baiboly baka amy zay hoe
azo atao koa ty mamoha ty maty.
Zay ty nataoni-Jesosy
tamy Lazarosy namany.
Fa nimaty tanatini-efatsy andro Lazarosy.
Nisy fanahy tsy mety maty va
niala tamy Lazarosy lafa nimaty ie,
le niay an-danitsy any?
Niforosevani-Jesosy hizotso
baka an-danitsy any va ie,
le hiay an-tany etoy ndraiky?
Aha. Sahala natory tan-dolo ao avao Lazarosy.
Nivelomini-Jesosy ie,
le afaky niaraky tamy ty fianakaviany ndraiky.
Mampitama ty Baiboly hoe
ho avy ty fotoa hameloma ty maty,
manahaky natao tamy Lazarosy iny.
Niresaky ani-fampitamana soasoa zay Jesosy
lafa nivola hoe:
“Ze mampiseho finoa ahy, ndre maty aza,
le ho velo ndraiky.”
Teanao ho hay vasa hoe:
‘Ia iaby ty hovelomy ndraiky?
Ndranahary manao akory Jehovah
laha hentea ty fameloma ty olo fa nimaty?’
Mamaly ani-fanontanea reo
ty fianara faha-6 amy bokikely hoe
Vaovao Soa Baka amy Ndranahary!
Azonao alà amy jw.org ao raha io.
Ho teani-Vavolombeloni-Jehovah
ty hiaraky mianatsy Baiboly aminao.
Fenò ty fangataha hianatsy Baiboly
amy Internet ato,
le hisy Vavolombeloni-Jehovah hitsidiky anao,
amy fotoa noho pilasy mety aminao.

Manao Akory ty Olo Lafa Maty?