JW subtitle extractor

Watta saalii tü iküleesia
ekirajaka sünain
sujuʼitüin tü waaʼinkat
outapa waya.
¿Shiache shikirajaka
anain tia tü Wiwüliakat?
Akumajünüshi Adán
nutuma Maleiwa
sünainjee sümamüla mma,
katüinjatü noʼu waneepia.
Shiasaʼa sutuma
niʼrüijaain wayumüin,
nüküjain chi Maleiwakai
nümüin sümamülainjachin nia
mma nüchikuaʼa,
outajachin nia.
¿Kasainjatka alatüin namüin
na nuuʼuliwoʼukana Adán
outapa naya?
Wanaa sümaa naapüin Jesuu
nüchiki Lázaro
sünain outuin nia,
nnojoishi müin nia
chajachin Lázaro sirumatuʼu,
«chi watünajutkai Lázaro,
atunküshi nia» müshi Jesuu.
¿Kasache nüküjeeka achiki Jesuu?
Jamüshijaʼa nutunküle maʼin
wanee wayuu,
nnojotsü kasain naaʼinrüin
otta nnojotsü nütüjaain aaʼu
kasain alatüin nüʼütpünaa,
müsia neʼe nakuwaʼipa
na outushiikana,
nnojotsü kasain natüjaain aaʼu.
Maʼaka eein süpüla nüchijinnüin
wanee wayuu eekai nutunküin,
müshia na outushiikana,
eeshii süpüla nachijinnüin
saashin tü Wiwüliakat.
Shia naaʼinraka tia
Jesuu nüka Lázaro.
Pienchitchi kaʼi outuin Lázaro
wanaa sümaa nüchijinnüin.
Chajachire nia iipünaa
nümaa Maleiwa,
¿nüshakatirüinche nia
Jesuu iipünaajee?
Nnojo.
Müshi nutunkakai aaʼin Lázaro
otta achijinnüshi nia
nutuma Jesuu
süpüla katüinjatüin noʼu
jee sümaain nia nüpüshi.
Süküjain tü Wiwüliakat
süsoʼiraainjatüin saaʼin
wainma wayuu
maʼaka süsoʼiraain naaʼin Lázaro.
Shia naashajaaka achiki Jesuu tia
wanaa sümaa nümüin:
«Chi eekai nunoujain tanain,
kateerü noʼu nüchikuaʼa
jaʼitashi outuin paala nia».
Eesüjaʼa müle pünüiki:
«¿Jaralii na kateenakana oʼu
nachikuaʼa?» otta
«¿Jamüsü süsoʼiraainjatka naaʼin
na outushiikana?».
Aküjünüsü tia sünain
ekirajaaya 6
suluʼu tü karaloʼutakat
Pütchi Anasü Nutuma Maleiwa.
Püdescargaaja shia
suluʼujee jw.org.
Aneerü maʼin namüin
na Aküjaliikana Pütchi
nekirajüin pia
sünain tü Wiwüliakat.
Puchunta ekirajawaa
sünain tü Wiwüliakat,
pipiraja tü yaakat
suluʼu Internet,
ekirajüneechi pia eere
anain saaʼin pümüin
soʼu tü oora püchekakat.

¿Kasa alataka namüin na outushiikana?