JW subtitle extractor

Maro olo mivolan̈a fa tsy ambiansy fety izikoa tsisy toaka.
Fa amy Ohabolana 23:32 Baiboly mivolan̈a fa
“Toaka io mety han̈ekitry mira bibilava.”
Misy lalan̈àny fanjakan̈a momba toaka ma aminaro an̈y?
Amy tany sasany olo araiky koa mamo,
mety avoasazy man̈ano asampokonolo.
Tsy mahazo mitondra tomobily, na mety higadra foeky.
Ndray izy mety tsy avoa raha aby voakoran̈a tio in̈y,
olo araiky koa mamo jerinany tsy miasa tsara,
ke mety han̈anon̈ano foan̈a izy.
Toaka io mety hahavy anao hivolan̈a na han̈ano raha mety hanin̈enanao.
Fa karakory ataonao izikoa anao man̈aton̈o fety
kanefa misy figahantoaka an̈aty ao,
baka io tsisy raha manjary raha ataondro?
Baiboly mivolan̈a fa
“Olo misain̈y koa fa mahita raha mety hamono, izy miary.”
Ke diniha tsarabe mety han̈ano karakory hiafaranao izikoa midoko io?
Akory mety ataonao beka anao tafiala amindro io, kanefa tsy kotran̈indro?
Ataova ty:
Volan̈à olobenao fa izikoa misy raha tsy pare amy fety io an̈y,
anao handefa mesazy amindro na hikaiky iro.
Karakory fo basy
izikoa misy olo miforse anao higaka toaka?
Koran̈iny Baiboly amy Romanina 6:16 fa
“Izikoa olo ambelanao mangala desizion amy pilasinao,
anao hanjary andevondro edy.”
Ke na anao han̈araka raha ataondro fo ke iro ikomandy fiain̈ananao
Na anao hivolan̈a amindro karaha ty:
“Aha, zah’ tsy higaka”
Akory fo izikoa anao miaraka aminy ry kamaradinao kanefa soferanaro mamo?
Koran̈iny Baiboly fa “Izikoa olo araiky minaman̈a aminolo tsisy sain̈y,
hidiranatambo izy.”
Ino raha mety hahazo anao izikoa karaha zen̈y olo man̈atriky anao antran̈o?
Ino koa hevitry hafa mety arehanao, karaha ty izy:
Izikoa sofera hainao fa malaza mamo lava,
na matetiky migaka toaka.
Aza man̈eky miondran̈a amy tomobilinany anao.
Mizahava tomobily hafa.
Aza adin̈a fa tsy votery misy toaka vo ambiansy fety.
Avo koa tsara fo izikoa anao tompiny fo manapakevitry amy raha ataonao.
Ke mitandritandrema fo amy toaka e!

Mitandritandrema Fo amy Toaka!