JW subtitle extractor

Eeshii na makana nasaainjanain müleka eere miʼiraa.
Saashin Proverbios 23:32
tü asüüshikat müsü aka saaʼin saleoʼu wüi.
¿Eesüche wanee ley aküjaka
tü naaʼinrajatkat wanee wayuu nüsaale?
Eesüjaʼa süpüla shiʼitaanüin wanee multa pümüin,
piʼyateʼennüin,
süsütünüin püpaasein
jee püreesain pia sünainjee pipeerüin.
Jaʼitasü nnojoluin sülatüin pümüin tia,
eesü süpüla nnojoluin piyaawatüin
pukuwaʼipa sutuma püsaain
jee paaʼinrüin wanee kasa sooʼopünaa paaʼin.
Eesü süpüla püküjain
jee paaʼinrüin wanee kasa
mojuka atuma paaʼin mapa.
Jamüshijaʼa sünainre pia wanee miʼiraa
jee piʼrüle nasaain waneinnua jimaʼalii
otta piʼrüle kachajaaleenain naya sünainjee,
¿kaseerü paaʼinraka?
Saashin tü Bibliakat, akayalaashi chi wayuu
kekiikai sülatajaatüle kasa mojusü.
Püsakira paaʼin:
«¿kaseetche alataka makatüle taya?
¿Kasa paaʼinrajatka süpüla puʼunajachin
süpülapünaa sülatüin kasa mojusü?»
Püma namüin na kachonshiikana
pia piyamaajeenain naya
jee puluwataweerüin wanee
mensaaje süpüla puʼunüinjachin.
¿Kaseerü paainjaka püpüleeruaanüle aaʼin süpüla püsüin?
Saashin Roma 6:16
nachepchieechi pia na waneinnua,
nayale aneeküin tü paaʼinrajatkat.
Eeshii süpüla nayain oʼunirüin pukuwaʼipa
jee paaʼinrüin tü namakat,
eepajaʼa süpüla yalayalain paaʼin
sümaa pümüin namüin:
«Nnojo, matüjainsai taya asaa yootshi».
¿Kasa paaʼinrajatkat namaale pia paʼaleewainyuu
jee piʼrüle puluwatüin chi chupeetkai?
Saashin tü Bibliakat, mojeerü nukuwaʼipa
wanee wayuu sümaale nia wayuu malasü.
¿Kaseerü alataka puuʼulaale
chupeerüin chia wayuukai?
¿Kasa eeka süpüla paaʼinrüin?
Nnojo püleʼejüin pipialuʼumüin nümaa wanee wayuu
eekai nüsaain süpülapünaa chupeerüin nia.
Jülüjatüjülüinjatü paaʼin kasain puʼunajachin aluʼu.
Soto paaʼin nnojoluin choʼujaain püsaain süpüla
talatüin pia sünain wanee miʼiraa
jee nnojoishi pia namaainjachin na asüliikana.
Jalia pia sutuma tü yootshikat.

Jalia pia suulia tü yootshikat