JW subtitle extractor

Tipu ana i te Tonga
i te wā o te whakawehetanga
—kiri mangu, kiri mā—
kāore i kotahi,
otirā he tohu ā rātou
kia mōhio koe
me haere pēhea koe.
Kāore au i mōhio
he aha tātou kāore i whakakotahi.
Rima tekau hēneti.
Ae e Tā.
Kia ora e Tā.
E kui, e tama ia.
He aha ko e ki ai e “Ta”?
Turituri, me mōhio koe ki tō wāhi.
Ka eke anō māua ki te taraka
ka mea au ki a ia:
“E kore au e tuohu ki tētahi atu!”
I mōhio tāku kuia i aroha au ki te Paipera,
nō te mea i pānui au i te Paipera i ngā wā katoa,
engari kāore i mārama.
I īnoi ahau
“He aha mātou i rerekē ai?
Nē. He aha mātou kāre e noho tahi ai?”
I tūtaki au ki tētahi rōpū
tēnei te tino rōpū mōku.
He rōpū tōrangapū.
Ka mea rātou
“E whawhai ana mātou i te tūkino.”
Tō rātou meatanga i taua kupu “tūkino,”
ka pēnei au
‘Āe, tēnei te kaupapa mōku
te huri i ngā tangata kia kotahi nērā,
koinā taku hiahia.’
Ka tīmata mātou
te whakahē i ngā tūkino a ngā pirihimana,
i pērā te titiro o te nuinga.
Pai noiho ki a au ētahi o ā rātou mahi,
engari ia rā, ia rā
ka ākona mātou pērā
i te ope taua,
ki te mau pū, ērā mea.
Ka whakaaro au, ehara tēnei i a au,
kāre mōku te pēnei.
Ka tīmata au ki te hoki ki te Atua
—ki te pānui i te Paipera—
pēnei hoki nē kāre i te huri i a au tētahi mea.
Te Paipera i pānui au ko tā Kīngi Hemi.
Nā ka pānui, ka pānui, kore rawa i mārama.
Ka haere mātou ki Hamaika,
ka kite au i te Paipera,
te New World Translation.
Ka tīmata ki te pānui.
Kātahi ka mārama mai, ka mōhio au.
‘Ānana nē! Pēnei, tēnei te mea māku.’
Ka pātōtō mai ngā wāhine tokorua,
he Kaiwhakaatu a Ihowā,
engari ko te Paipera anake
te mea i kite au, ka mea
“Nō hea tō kōrua Paipera?”
Ka mea rāua
“Ka pai, ka mauria mai tētahi māu.”
Ā, kawea mai e rāua te Paipera,
heoi kāre au i mōhio he ako Paipera
kei te haere mai i te taha.
Tāku taenga tuatahi ki tētahi huihuinga nui
a ngā Kaiwhakaatu a Ihowā
tekau mano ngā tāngata.
I kite au i ngā kanohi me ngā kiri rerekē
pēnei kei te kii mai a Ihowā:
“E Rafika, e mahara ana koe
“i īnoi koe ki a au mō ngā iwi rerekē
“e whakakotahi ana, e noho tahi ana.
“Nānā, ehara ahau i te whakapai kanohi.
Nā, he hoa rātou, he kotahi.”
Kātahi ka mahana a roto i a au.
Āe mārika! Tēnei te iwi
e hiahia au hei iwi mōku.
He tangata te tangata ki taku titiro,
ka kauhau ahau ki te katoa.
Nō taku mōhio ki ngā ako o te Paipera
he pai rawa atu tōku oranga,
me te mōhio mā te Atua
me tōna kīngitanga anake
e whakakotahi i ngā iwi.
Pērā i tā Ihowā whakakotahi i ngā tāngata katoa,
ka tatari au kia kotahi ngā iwi katoa
kia mōhio ki a Ihowā
pēnei i a au i utua e Ihowā tāku īnoi!

Rafika Morris: I Hiahia Ahau ki te Whawhai i te Tūkino