JW subtitle extractor

Líikʼen tu noojolil Estados Unidos,
teʼ kʼiinoʼoboʼ le máaxoʼob booxoʼob
yéetel sakoʼoboʼ
u pʼekmubaʼob.
Yaan lugaroʼobeʼ
hasta u tsʼaamoʼob letreroʼob
utiaʼal maʼ u yokol
le máakoʼob booxoʼoboʼ.
Maʼ tin naʼatik baʼaxten
bey k-tratartaʼaloʼ.
–Cincuenta centavos.
–Maʼalob tsʼuul...
Jach diosboʼotik.
Abuela, baʼaxten ka waʼaliktiʼ beyoʼ,
si chéen juntúul paal.
Mak a chiʼ. Techeʼ
maʼ waʼalik mix baʼal.
Le ka naʼakoʼon teʼ
camionetaoʼ tin waʼalajtiʼ:
«Teneʼ maʼ ten in chaʼa
in mixbaʼalkúuntaʼal».
In abuelaeʼ
u yojel uts tin tʼaan in xokik le Biblia
desde tin chichniloʼ, kex maʼ tin naʼatik.
Kin kʼáatik kaʼach tiʼ Dios:
«¿Baʼaxten pʼektaʼanoʼon?
¿Baʼaxten maʼ tu páajtal k-bisikba?».
Ka máan kʼiineʼ,
tin wojéeltaj yaan
junjaats politicoʼob
bey u tuukuloʼob jeʼex tenoʼ.
Ku yaʼalikoʼob:
«Toʼoneʼ táan k-kaxtik
ka beetaʼaktoʼon justicia».
Le ka tin wuʼuyaj leloʼ tin waʼalaj:
«Jach letiʼe in kʼáat
in beet kaʼachoʼ.
In kʼáat in wáant le máakoʼob
utiaʼal ka u kʼex u kuxtaloʼob
yéetel ka u bisubaʼob maʼaloboʼ».
Káaj k-marchar yéetel k-protestar
tu contra le policíaʼoboʼ.
Tsʼoʼoleʼ maʼ chéen toʼon beetik beyoʼ
yaʼab máax beetik kaʼachi.
Yaan baʼaxoʼob ku beetkoʼob
jatsʼuts in wilik kaʼachi,
baʼaleʼ yaan xan baʼaxoʼob maʼ uts tin tʼaaniʼ
sáamsamal k-kaʼansaʼal
kaʼach baʼateʼel
yéetel k-usart tsʼoon.
Tin tsʼáaj cuenta
maʼ letiʼe baʼax in kʼáat in beetoʼ.
Le baʼax ku beetkoʼoboʼ
maʼ tu yáantik u maasil,
le oʼolal káaj in kaʼa xokik le Biblia
utiaʼal in natsʼkinba tiʼ Diosoʼ.
Le Biblia kin xokikoʼ letiʼe
Versión del rey Jacobooʼ.
Kex kin sen xokikeʼ
maʼ tin naʼatik mix baʼaliʼ.
Ka binoʼon tu luʼumil Jamaicaeʼ,
tin wilaj le Biblia
U Suttʼaanil Túumben Luʼumoʼ,
ka tin xokeʼ tin láaj naʼataj
tumen minaʼan
tʼaanoʼob jelaʼanoʼobiʼ.
Tin tuklaj: «¡Chan jatsʼuts túun!
¡Bey in kʼáat junpʼéelaʼ!».
Juntéenjeakeʼ
kʼuch kaʼatúul koʼoleloʼob tin wotoch.
U jaajileʼ maʼ in wojel wa testigoʼobiʼ.
Pero ka tin wilu
Bibliaʼobeʼ tin waʼalaj tiʼob:
«In kʼáat junpʼéel
jeʼex le yaanteʼexoʼ».
Ka tiaʼaloʼobeʼ: «Maʼ a tuklik
jeʼel k-taasiktech junpʼéeleʼ».
Maʼ xáanchaj ka tu taasoʼobiʼ,
pero baʼax maʼ in wojleʼ
yaan bakáan xan
u tsʼáaikoʼobten xook.
Ka yáax binen teʼ asamblea
ku beetik le Testigoʼoboʼ
yaan kex diez mil máakoʼobiʼ.
Ka ookeneʼ tin wilaj u muchʼmuba
yaʼab máakoʼob jejeláas u razaʼob,
bey ka u yaʼalten Jéeobaeʼ:
«Rafika, ¿kʼajaʼantech ka
ta waʼalajten a kʼáat a wil
u muchʼkuba máakoʼob
jejeláas u razaʼob?
¡Ile! Láaj maʼalob u biskubaʼob.
Teneʼ mix máak in pʼekmaj!».
Jach kiʼimakchaj in wóol.
¡Hasta ka tin kaxtaj
tuʼux in kʼáat antal!
Bejlaʼeʼ teneʼ mix
máak jelaʼan in paktik,
ku páajtal in biskinba
yéetel jeʼel máaxakeʼ.
Kin wilik xan in kʼaʼaytaj
tiʼ tuláakal máak.
Beoraaʼ kin naʼatik baʼax
ku yaʼalik le Bibliaoʼ
yéetel yaan u biilal in kuxtal
tumen in wojel chéen Dios
kun taasik jeetsʼelil way Luʼumeʼ.
Jéeobaeʼ tsʼoʼok u beetik
u múuchʼ antal u kaajal,
bey in kʼáat xan ka
yanak le máakoʼob
kex jejeláas u razaʼoboʼ.
¡Jéeobaeʼ tu núukaj in oración!

Rafika Morris: Maʼ in kʼáat ka pʼektaʼak mix máakiʼ