JW subtitle extractor

Ua paari au i te pae
apatoa o te fenua Marite,
i te tau eita te uouo
e anoi i te ereere.
Te vai ra iho â te vahi
faataahia no te uouo ana‘e
e to te ereere.
Aita vau i taa e no te
aha matou e ore ai e afaro.
Ahuru tara.
E, fatu.
Mauruuru, fatu.
Ma‘u, e tamarii noa o ’na.
Eaha oe e pii ai ia ’na “fatu”?
Mamû.
Faaea noa oe.
Ho‘iraa ’tu mâua, na ô atura vau:
“Ua ite oe?
Eita vau e pi‘o i to ’u upoo i raro!”
Ua ite to ’u mama ruau mea
au roa na ’u te Parau a te Atua
no te mea,
i to ’u nainairaa,
mea taio roa vau i te Bibilia.
Aita râ vau i taa i te auraa.
I pure na vau:
“Eaha matou i taa ê ai?
No te aha matou e
ore ai e ora amui?”
Farerei atura vau
i te hoê pǔpǔ poritita
ua tuea noa to matou mana‘o.
Opua ’tura vau e faaô i roto.
“Aro i te parau-tia ore,”
ta ratou ïa poroi.
Ia ’u i faaroo
“parau-tia ore,”
mana‘o atura vau:
‘Tera iho â ta ’u e hinaaro ra,
ia taui te mau mea e
ia tahoê te mau taata atoa.’
O ta ’u ïa fa!
Haamata ’tura matou i te patoi
i te hamani-ino-raa a te mau mutoi,
tera hoi te parau rahi i taua tau ra.
Ua farii au i te tahi mau ohipa
ta to ’u mau hoa e rave ra,
tera râ,
pauroa te mahana,
faaineinehia matou mai te faehau.
Haapiihia matou ia faaohipa i te
mauhaa tama‘i, tera mau mea.
Mana‘o atura vau:
‘E ere tera ta ’u e hinaaro ra.
E ere tera te tumu
vau i apiti ai ia ratou.’
Aita hoê mea i taui noa ’‘e.
Fariu faahou atura vau i nia
i te Atua, ma te taio i te Bibilia.
E huriraa Bibilia tahito ta ’u.
Ua taio vau e ua taio faahou,
aita râ vau i maramarama.
Reva ’tura vau
i te fenua Jamaïque
e ite atura vau te Bibilia
Huriraa o te ao apî.
Ua taio vau e mea
maramarama roa!
Uaou!
Ua taa ia ’u te auraa.
‘Tera te Bibilia ta ’u e hinaaro.’
Patoto mai nei e piti vahine.
Aita vau i ite e
Ite no Iehova raua.
Ta ’u noa i haapao,
ta raua Bibilia.
Ani atura vau,
“Nohea mai tena Bibilia?”
Pahono maira raua:
“E afai mai mâua hoê na oe.”
E ua afai mai iho â.
Aita râ vau i ite e fana‘o atoa
vau i te hoê haapiiraa Bibilia.
Te tairururaa matamua a
te mau Ite no Iehova ta ’u i haere,
ahuru tausani paha taata.
I to ’u tomoraa ’tu,
ua rau te hoho‘a mata,
ua rau te iri.
Mai te mea e te
parau mai ra Iehova:
“E Rafika,
te haamana‘o ra oe i to oe aniraa mai,
ia riro te mau nunaa atoa ei hoê?
Te ite ra oe,
eita vau e maiti i te taata.
Mea afaro roa ratou.
Mea tahoê mau matou.”
Auê au i te oaoa e!
Oia!
Tera mau te faanahonahoraa
ta ’u e hinaaro e apiti atu.
Aita ta ’u e hi‘oraa i te taata.
E poro, e faahoa vau i
te mau huru taata atoa.
Ua ite au i teie nei eaha ta
te Bibilia e haapii mau ra,
mea oaoa roa to ’u oraraa
no te mea
ua ite au
o te Atua ana‘e e ta ’na faatereraa
te nehenehe e hopoi mai i te hau.
Mai ia Iehova e tahoê
nei i te mau taata atoa,
e hinaaro atoa vau ia tahoê te taata
e ia ite ratou o vai o Iehova,
mai ta ’u i ite ia ’na.
Ua pahono Iehova i ta ’u pure.

Rafika Morris: Ua hinaaro vau e aro i te parau-tia ore