JW subtitle extractor

Zaho tombo tamy faritry atsimony États-Unis tan̈y.
Mbala naresaka fan̈avakavahan̈a olo joby tamy zen̈y.
Efa nasiandro lamariky aby tamy zen̈y tany mahazo handihananao.
Tsy nazava taminaka, nan̈ino zahay olo joby tsy fankahazo ndraiky olo malandy.
Ia tompoko anao!
Mersy tompoko anao!
Tsaiky hely kony io e,
Nan̈ino ma izy hajainao be karaha io?
Anao mangin̈y e, izio olo fotsy tsy maintsy hajain̈a.
Nivolan̈iko taminany zahay koa fa hody,
zaho tsy man̈eky ambanimbanianolo zen̈y ndray zaho olo joby.
Rango za mbala hely zaho efa tia Baiboly edy.
Mamaky Baiboly fo zaho
Fa tsisy mazava aminaka raha jiaby vakiako in̈y.
Nivavaka fo zaho nivolan̈iko:
Ino edy raha tsy mampitovy zahay, nan̈ino zahay tsy afaka miaraka.
Nisy fikambanan̈a araiky zay karaha nahasariky zaho oe.
Iro io nan̈ano politiky.
Ke tanjon̈ondro, iro mila han̈afoan̈a raha tsy rariny.
Ravoravo mare zaho koa fa naharen̈y zeny.
Ho zaho:
‘Ty tsarabe fikamban̈ana tiako hidiran̈a.
Ty baka han̈ovany rariny aminany mba mahavita hampiova olo ke.’
Niditry tamy fikamban̈ana io zaho fotiny tanjon̈onay mitovy.
Nan̈ano fitsikitsehan̈a nanoheran̈a hankifirian̈ana
nataondro polisy aby io atsendriky zahay.
Fotiny raha zen̈y ten̈a nampitarain̈y.
Nisy tiako raha sasany nataonay
fa raha tsy lanilaniko
zahay nampianarindro niady ndreky nampiasa raha fiadivan̈a.
Tan̈aty jeriko tan̈y,
Tsy ty zalahy raha nitadiaviko e!
Tsy karaha ty foeky raha tiako havian̈a.
Tsy hitako ino raha niova.
Ke nipody namaky Baiboly ndraiky koa zaho.
Zaho namaky dikanteniny panjaka Jacque.
Nazoto mare zaho namaky izio.
Fa tsisy raha nazava taminaka raha nivakiako tao.
Nisy lera zahay nandeha hely ta Jamaic tan̈y,
ke tan̈y zaho nahazo Baiboly fandikanteny tontolo vaovao.
Raha io koa fa nivakiako direkty nazava taminaka raha nivolan̈iny.
Tsisy volan̈a efa taloha be baka tao,
ke zaho nivolan̈a: Azalahy!
Tiako eky za koa mba mahazo karaha ty e.
Tandraraiky nisy man̈angy aroe nikon̈okon̈o tran̈onay.
Tsy haiko aby iro io vavolombelony Jehovah zen̈y.
Fa masonaka tamy Baibolindro fo.
Zaho nan̈ontany:
‘Taia eky nazahoanaro Baiboly in̈y?’
Ro baka tio nivolan̈a:
‘Amy man̈araka anao tondrasanay araiky.’
Nitondrasandro araiky marin̈y zaho.
Fa tsy nampoiziko fa kaiky iro io mba hampianatra Baiboly zaho koa.
Tamy fivoriambe nanton̈oko voanalohany
Nisy olo folo arivo tio tao.
Olo samy amy karazany iro io tan̈y.
Jehovah taminio nira nivolan̈a taminaka:
“Ah Rafika!
Anao fa navy nangataka
fa tianao izikoa olo jiaby mba mahay mitambatra ndreky miray sain̈y.
Ndray iro samy amy tany faviany.
Izy izy hitanao zioty.
Hitanao zioty fa zaho tsy man̈avakavaka marin̈y.
Ravoravo mare zaho fotiny hitako fo fikamban̈ana nitadiaviko in̈y.
Mira fo olo jiaby fa tsisy an̈abo ndreky ambany zen̈y
Zaho afaka mitory ndreky minaman̈a amy karazanolo jiaby.
Matsiaro sambatra zaho zioty fotiny haiko baka tamy Baiboly tao fa
Zan̈ahary ndreky fanjakan̈anany fo hahavita hampasambatra olo jiaby ambony tany eto.
Jehovah zioty mampiray sain̈y vahoakanany.
Ke zaho koa mba te han̈anony anjarako amy zen̈y.
Ke hifen̈y han̈ampy olo hahay izy koa zaho.
Ravoravo mare za fotiny izy namaly vavaka nataoko.

Rafika Morris: Tiako Hanjaka ny Rariny