JW subtitle extractor

Miyoʼusü taya chaa Estados Unidos,
wanaa sümaa nalerajünüin
na mütsiiakana ata.
Nnojoishii süpüla kottuin waya
namaa na wulekana ata.
Otta müsia
apülajünüsü woulia wekeroluin
suluʼumüin waneirua piichi.
«¿Jamüsüche nnojotka süpüla
paaʼinwajiraain waya?»
Maa müsü taaʼin.
—50 centavos.
—Müsia laülaashikalee.
—Anasia müin putuma.
—¿Jamüshi laülaashikale
pümaka nümüin. Jintüi neʼe nia.
—¡Koʼuta pia!
Kojutuinjana naya wamüin.
«Nnojoishii waya mojutuin noulia».
Tamüshi shia wanaa sümaa
wo’otooin suluʼu tü kemionkot.
Sütüjaa aaʼu tü toushikat kamalainpuʼuin tamüin
taashajeʼerüin tü Bibliakat jintuluiwaʼaya taya.
Nnojotpejeʼe tayaawatüin tü sümakat.
Tasakitpuʼuin Maleiwa, ¿jamüin naataka waya noulia?
¿Jamüshijaʼa nnojotka paaʼinwain waya?
Teʼraajakalaka waneinnua wayuu,
wanaawakana aaʼin tamaa.
Sünainpünaashii naya poliitika.
«Mojusü wamüin koʼuin
sukuwaʼipa wayuu», müshii naya.
Taapaiwaʼaya süchiki
mojuin namüin tia,
keeʼireejaasü taaʼin namaain taya.
Shia tachajaaka maʼin wanaawain
tü jülüjakat naaʼin napüshuaʼa na wayuukana
jee paaʼinwainjanain naya.
Aainjüshii waya protesta süka müliajüin
maʼin naaʼin na wayuukana natuma na pulusiiakana.
Nnojotpejeʼe waaʼinrüin neʼe tia wamüiwaʼa.
Eesü tü kasa anasü naaʼinrapuʼukat.
Ekirajunapejeʼe waya süpüla müinjanain
waya maʼaka naaʼin na surulaatkana
jee watüjainjanain süpüleerua a’apüla.
Tayaawatüinjeseʼe saaʼu nnojolin
shiain tü keeʼireekat taaʼin.
Taashajeʼeraka tü Bibliakat süchikuaʼa süka tayaawatüin saaʼu
nnojolin kasain anoutaayain sünain tü taaʼinrakat.
Taashajeʼerüin tü Bibliakat kanüliakat Rey Jacobo
sümaa nnojolin tayaawatüin saaʼu.
Wakolojooko Jamaica, teʼrakalaka
tü Bibliakat Traducción del Nuevo Mundo.
Taashajeʼetka shia tayaawataka saaʼu
süpüshuaʼa tü sümakat,
süka mapüleechoin shia.
«Kasataalejeseʼe tamaʼanain wanee
eeka müin aka tia», tamaka.
Soʼu wanee kaʼi, antüshii
piamashii jieyuu tepialuʼumüin,
nnojotsü tatüjaain aaʼu naküjaliin pütchi.
Shia neʼe jülüjakat taaʼin
tü Biblia namaʼanajatkat.
«¿Jalajatü jüpüla?»,
tamaka namüin.
«Waantireerü wanee pümüin»,
namaka tamüin.
Naantitpa shia tamüin naküjaleeinña tamüin
eein süpüla tekirajaain sünain.
Soʼu tü palajatkat takua sünain tü outkajawaakat miyoʼu
eejana maʼaka saaʼin 10.000 wayuu.
Teʼrapa wainma wayuu sümaa
naatawalin neʼiruku.
Müshi nümakat Jehová tamüin:
«Rafika, ¿sotusü paaʼin pümapuʼuin tamüin?
keeʼireein maʼin paaʼin piʼreein wayuu
naataka eʼiruku sümaa paaʼinwain naya?».
Talatüsü maʼin taaʼin wanaa sümaa teʼrüin
nnojolin koʼuin nukuwaʼipa Maleiwa.
Keeʼireeshaatasü joo taaʼin
naʼakeein taya naya.
Nnojotsü koʼuin takuwaʼipa sümüin wayuu.
Kamaneesü taya sümüin wayuu süpüshuaʼa
jee taküja amüinchii naya pütchi.
Anasü maʼin takuwaʼipa sutuma
tü tekirajaakalü anain sünain tü Bibliakat.
Tayaawatüitpa saaʼu niain neʼe Jehová
aneechin atuma sukuwaʼipa wayuu maʼleekalia.
Maʼaka paaʼinwajiraain
tü nupueulosekat Jehová,
anasü paaʼinwajiraale wayuu süpüshuaʼa
jee aleewajiraain naya nümaa Jehová.
Naapüin Jehová tamüin tü suchuntakat taaʼin.

Rafika Morris: Mojusü tamüin koʼuin sukuwaʼipa wayuu