JW subtitle extractor

Disportu pode ser bon pa bo.
Bíblia ta fla na 1 Timóteo 4:8 ma ‘izersísiu fíziku ten algun vantaji’.
Disportu pode inxina-u kapasidadis inportanti,
sima modi ki bu ta kolabora i pâpia ku otus algen.
Má disportu tanbê pode ser mal pa bo.
Tudu ta dipende di kuzê ki bu ta djuga,
modi ki bu ta djuga
i kantu ténpu bu ta djuga.
Pensa na kuzê ki bu ta djuga.
Na Salmo 11:5
Bíblia ta lenbra-nu ma Deus ‘ta ôdia kenha ki ta gosta di violénsia.’
I alguns disportu é violéntu própi.
Nton pergunta bu kabésa:
“Ta faze sentidu divirti ta odja pesoas ta briga ku kunpanheru?”
Gósi, pensa na modi ki bu ta djuga.
Bíblia ta fla na Filipenses 2:3:
‘Ka nhos faze nada pa konpitison nen ku orgulhu;
má nhos mostra umildadi
i nhos trata otus sima algen más inportanti ki nhos’.
É klaru ki kuazi tudu disportu ten un kuzinha di konpitison.
Má krê ganha di tudu manera ta poi jogu ta fika sen piada.
Tanbê, Bíblia ta fla na Provérbios 16:18
ma ‘orgulhu ta ben antis di kéda’.
Nton pergunta bu kabésa:
“N gosta di djuga ku algen ki gosta txeu di konpiti i é orgulhozu?
Nton, pamodi ki N ta gostaba di ser si?”
Pa tirmina, pensa na kantu ténpu bu ta gasta na djuga ô na odja jogu.
Bíblia ta fla na Filipenses 1:10:
‘Nhos konfirma kuzê ki é más inportanti’.
Kel-li é un bon konsedju
pamodi da disportu txeu inportánsia é sima poi txeu sal na kumida.
Si bu pasa txeu ténpu ta odja jogu ô ta djuga,
otus kuza na bu vida ta fika pa tras,
sima bu família,
nótas na skóla
i ténpu ki bu meste pa adora Jeová.
Disportu ka debe ser kuza más inportanti na bu vida.
Pensa ma disportu é sima un rekonpénsa
dipôs ki dja bu faze bus trabadju.
Asi, bu ta tra pruvetu di verdadi di disportu i bu ta ivita armadilhas.

Kuzê ki bu debe sabe sobri disportu?