JW subtitle extractor

Mety hahasoa anao ty sporo.
Mivola mihintsy aza ty Baiboly
amy 1 Timoty 4:8 ao
fa ‘mahasoa ty fanaova raha zay.’
Afaky mampianatsy anao hana toetsy soa ty sporo,
ohatsy, hoe mifanampy noho mifandramby amin’olo.
Fe mety handraty anao koa ty sporo.
Mianky amy hoe:
Ino ty sporo ataonao?
Akory ty anaovanao azy,
Le firy ty fotoa laninao aminy?
Diniho hoe ino ty ataonao.
Ampitiarovini-Baiboly antsika
amy Salamo 11:5 hoe
‘hala Ndranahary ty olo tea hasatà.’
Misy ty sporo fa mazava hoe hasatà.
Anontaneo ho zao ty vatanao:
‘Misy dikany va ty sporo ataoko
laha manday fahavoaza ho ahi-ty hafa?’
Diniho koa hoe akory ty fisànao azy.
Hoy ty Filipianina 2:3:
“Ka manao ndre ino ndre ino
vokatsini-hatea aly, na firengirengea,
fa amy fiambanea le ao samby hanao ty hafa
ho ambony mandilatsy ty vatany.”
Marina fa atao raha
misy kirebaky avao lafa atao sporo.
Fe mampanaotao fahatany
ty toe-tsay ta handresy marè.
Mbo mivola koa ty Baiboly
amy Ohabolana 16:18 hoe:
“Rengirengy alohani-firavoha.”
Anontanea ty vatanao hoe:
‘Ta handresy marè avao va aho saky mihisa,
le mirengirengy bakeo?
Le manino aho ro tea manao ho-zay?’
Farany diniho ty fotoa laninao isà na anentea azy.
Hoy ty Baiboly amy Filipianina 1:10:
‘Anovo hay ze vatan-draha marè.’
Soa torohevitsy zay satria zao,
laha tea sporo marè iha,
le sahala manisy sira maro biby amy haninao.
Laha mandany fotoa maro hanaova
na hanentea sporo iha,
le handraty anao raha zay,
ndre amy fianakavia ao,
ndre ty notinao an-dakilasy any,
handraky moa ty ara-panahinao.
Zao zany e, tsy tokony ho sporo mihintsy
ty ho vatan-draha amy ty fiainanao.
Ataovo sahala hoe
kadònao baka fanaova voaloha lista
ani-ze vatan-draha ty sporo.
Hahasoa anao ie amy zay
sady ho lavitsy anao ty voka-dratiny.

Soa ho Hay Mikasiky Sporo