JW subtitle extractor

Eesü tü kasa payalakalü apüla
tü ashaitaakat.
Saashin tü Wiwüliakat
suluʼu 1 Timoteo 4:8:
«Eesü tü anakat apüla shia».
Eeshi süpüla pütüjain
süpüleerua aʼyataajirawaa
jee yooto sünainjee
wanee ashaitaa.
Eepajaʼa süpüla shimeejüin paaʼin.
Jülüjeesü paaʼin
kasain püshaitüinjatüin,
jamüinjatüin paaʼin
otta jeʼrainjatüin pümaa.
Jülüja paaʼin
kasain püshaitüinjatüin.
Saashin Salmo 11:5,
üttüsü naaʼin Maleiwa
nünain chi eekai mojulaain.
Eesü ashaitaa eere jashichin
maʼin wayuu sünain.
¿Anasüche eera talatüle paaʼin
sünain anajaa wayuu
eekai süsheʼejiraain?
¿Jamüsü paaʼin sünain ashaitaa?
Saashin Filipos 2:3,
nnojoluinjana waya atkaain
otta kojutuinjatü wayuu süpüshuaʼa wamüin.
Akanajeeshi wanee wayuu
sünain ashaitaa.
Shia mojuka aluʼu nükanajeere
jaʼitairü mojuin nukuwaʼipa sünainjee.
Saashin Proverbios 16:18:
«Ojutuujeechi chi wayuu yaletakai aaʼin
otta mojeerü nukuwaʼipa».
¿Kamalainsüche pümüin
ashaitaa sümaa wayuu eekai
akanajeein waneepia?
¿Aashin nnojoluin meein pia maʼaka naaʼin?
Jülüja paaʼin jeʼrain kaʼi
pülatiraka sünain ashaitaa.
Saashin Filipos 1:10:
«Shia jaaʼinrajatka palajana
tü kasa alanaʼaleekat suluʼu anain».
Anasü jülüjale paaʼin pütchikat tüü
suulia amülain pükalia
sünain ashaitaa.
Tia müsü aka saaʼin wainmale ichii
saʼaka wanee eküülü.
Waneepiale pia sünain ashaitaa,
mapüseechi pia
namaapa pia na püpüshikana,
koleejiapa pia,
otta puutkajaapa
namaa na wawalayuukana.
Nnojotsü anain shiale
palajanain putuma tü ashaitaakat.
Eeshi süpüla püshaitüin
kettaapa wanee aʼyatawaa
eʼitaanaka püpüleerua.
Mülejeʼe shia putuma,
talateerü paaʼin sünain ashaitaa
otta nnojoleerü mojuin
pukuwaʼipa sutuma.

¿Kasa anaka apüla tü ashaitaakat?