JW subtitle extractor

Niwipawri iari chʉwizanámʉri
éykʉchʉ zʉnʉn aʼzanʉnno.
Jeuwari ikʉ chʉwi aʼzʉnnari aʼzanuʼ nʉnna ni.
Ey ʉwameʼ, eʼ ikʉ kwanari zeyzey aʼzari
keywʉ kwʉndi aʼzʉname igunámʉsa una ni.
Ey uyeʼki, iʼngwi ánugwe
noʼkuʼ nʉnna Ikʉnusi awgari,
Niwipáw urigazey awʉn nusi, eʼ ikʉ kwanari
Niwipáw aʼnoʼkuʼ nʉngwa reʼgow una ni.
Adán awiri Ewa Niwipáw aʼnoʼkuʼ nari.
Ikʉnusi ɉumeʼ aʼnoʼka una ni.
Jeuwá yʉʼkʉ kʉnika awiri ikʉnha kingwi
winaʼzʉnʉʼkin winnisi zweingwa ʉnkito una ni.
Ikʉnúsiri ta ki ey yanʉnno.
Íkʉri Niwipawseʼ kʉreʼgukuʼ nari,
ikʉnha kingwi du winʉnkʉreʼguka
awkwéy ki winkʉnanʉnno.
Ʉnzanika unigéʼkʉchʉ eyma nʉngwa
ta gwʉn ey yuʼ nare meʼzanuʼ nʉnko.
Ema narizanʉndi, iʼngwi diwiʉyari
ʉnzawiʉya nʉ́nkʉri agʉnkuʼ naʼkinó iri,
a ɉumeʼ du zawía awiza yʉndi.
Iʼngwí riwiʉya ɉinari tari ey iyuʼ
nʉnno aʼzari aʼnoʼkwa awʉn aʼɉunʉndi.
Zawiʉyari azi nikamʉ kawʉnno.
Du zawiuʼ ni yanari nʉreʼbékuma
auʼ ki nʉnkwe zʉʼn keyza nʉndi,
neyka riwiʉya ɉinari azi winarunhʉnno.
Ta ey yuʼ nʉnno neki aʼchuʼ nakinno.
Agʉnkuʼ ni nʉnzʉn awiza ni aʼzari
ey izáy zʉnri aʼzanuʼ kinno.
Ey ʉweʼki warunha awʉnki,
ingumʉ́n agʉ́nkwʉya ná yana,
zawiʉyaseʼri neyka riwiʉya ɉina
aʼzawía ú kʉya awiza nʉndi,
eymákʉchʉ ingumʉ́n agʉ́nkwʉyʉn
aʼchukwéy nikari auʼ kinno.
Jeuwari eyma zaná niʼna ni,
Ikʉnúsiseʼ urigazey uyeʼri,
neyka ánugwe ɉinari eyméy auʼ nó aʼzanʉn nuʼna ni.
Ey ʉwameʼ Jeuwaseʼ azi kawi eyma
kʉreʼguka ʉwa neykari ʉnzanika unigeʼri,
ánugwe ɉinaseʼ awiri íkʉseʼ
kaʼmʉkana awʉngwa nʉnna ni.
Jeuwari eméy awiza ni a’zʉname,
Ikʉnúsise’ re’gukʉngwasi kʉchusisa una ni.
Eméy une’ki Ikʉnúsiseʼ re’gukʉn nuge’ri,
du zanu’ nari chʉwizanamʉ
zʉ’n kwey zwein nuga ni.
Jeuwari a nʉ’kin re’guka awiza
kʉnʉna ni izʉn unige’ri,
ase’ inʉ yow du kʉkusa awʉngwa ni.
Ey unige’ri, Ká’se’ri Niwipáw
yáy zoya zʉ’n kwʉngwa ni.
Ema ʉnchónʉkin,
Niwipawri eyki wa’si zwein nuge’ri,
níwiri azi nikamʉ niwikawʉnno.
Azi nisiri Niwipáw sí nika awkweyri niwikʉnanʉnno.
Ema awiri aɉwa ga’kʉnámʉri paperi
yʉkweyna 8 kʉnowka bunáchʉkin
Buenas noticias de parte de Dios
zakinugase’ zaka’chósʉya ni.
jw.orgse’ dekʉchʉnha ú.
Jeuwá sí ga’yeyka ɉinari Bibria
sí miwín a’ɉuná awʉngwa ni.
Bibria sí nʉriwía awʉngwasi
Internetse’ pari ʉnkʉsisa ú.
Ey unigeʼ awiri eymekʉ awkwéy nʉkʉnʉnʉn
me’zʉna’ba mika’naya ukumʉngwasi.

Niwipawri iari chʉwizanámʉri éykʉchʉ zʉnʉn aʼzanʉnno