JW subtitle extractor

¿K’ãrẽa Daizezebara iduaribibʉ zʉbʉriara?
Jeowabara ẽbẽrarã zʉbʉriabamarẽã kãga ẽ basi.
Maʉ̃ k’area nejõma osi
nabema ẽbẽra sobiapanamarẽã.
Mamina angel kayirua abaʉba jarasi,
Daizezera sewa nebʉrʉ omiata,
mawũã Daizeze’a yi zok’abida ẽ marẽã.
Adan Ebaʉ̃meba Daizeze bed’ea
ũrĩ ẽ baside Diaruare wãsida.
Akʉza ãyikʉza krĩchasida jidaita
saʉ̃ta yibiata akʉza saʉ̃ta zeri ẽãta.
¿Satanabara wãrĩnuta jarasika?
¿Ẽbẽrarã Daizeze k’areba nẽẽara yi zok’aseabʉka?
Angelera kayiruaba widida k’awuaita
ewarita nesidabasi, maʉ̃ panʉita.
Bari jaraita. Ẽbẽra ʉ̃ra k’awuabʉba
jarayi yi nejaradiabʉbara,
bi’ia jaradia ẽãta, awuabʉrʉ
iyabʉrʉ audre bi’ia oita.
Wuabemaraba krĩchayi yi mawũã jarabʉbara
Wãrĩnuta jarabʉta, mawũã iyiare wãñi.
Maʉ̃ k’area, ¿k’ãrẽta oi yi nejaradiabaribara?
Iya k’easeabʉ yi mawũãbʉra,
mamina, ¿sãwũã krĩchadaiba wuabemarabara?
Krĩchaseapanʉ maʉ̃ ẽbẽraba audre k’awuabʉta
iyira akʉza mawũã wawiada ẽ bayi.
Mamina krĩchara yi nejaradiabariba,
iduaribibʉta nejaradiamarẽã jõmaʉ̃ra deidu.
Mawũã k’awuadayi ãyi ũmenebemaba
saʉ̃ba audre bi’ia jaradiabʉta.
Jeowaba maʉ̃ne kĩrãk’a osi.
Diaru Jeowa ʉ̃rʉ wãside,
angelera mejãchaʉba akʉbaramasi.
Iya sãwũã k’eabʉrʉba,
angelera jõmaʉ̃ta aña krĩchakasida,
akʉza ewari berabari wãne jõma
wuabemara krĩchabarabʉrasida.
Jeowabara k’awuabʉ baera iduaribisi
Diaruba zok’amarẽã naʉ̃ drʉara
Diaruba zok’abʉ juwa edre mejãcha ũdupanʉ pʉata,
zʉbʉraita, mamina Jeowabara jõma ara oyi,
mawũã ũdubiyi iyabʉrʉ bia zok’aseabʉta.
Mawũẽra, naʉ̃ drʉadera bayi
ẽbẽra Daizezeba jarabʉde bʉta.
Maʉ̃ ewari zeyedara
¿K’ãrẽta ũdudai Daizezeba jũãbʉ k’ãrẽa?
¿Sãwũã Daizezeare baseabʉpe?
Nama widibʉra panʉñi yi 8de karta
Daizezebara bed’ea biata erbʉ dayirãita.
Bʉara ʉ̃tʉzebiseabʉ jw.orgde.
Jeowa ʉ̃rʉ K’awuabipanʉrãbara
k’arebakĩrãbʉ Daizeze bed’ea jaradiaita.
Widida internet’ne Jeowa ʉ̃rʉ
K’awuabipanʉrã abaʉba akʉ zemarẽã
bʉa jarada ũmadaʉde akʉza bʉa jarada mae.

¿K’ãrẽa Daizezebara iduaribibʉ zʉbʉriara?