JW subtitle extractor

Pamodi ki Deus ta dexa sufrimentu kontise?
Jeová Deus ka kreba pa umanus sufri.
Envês di kel-li,
el da primeru ómi ku mudjer un vida spetakular na komésu.
Má Satanás, ki é un anju rebéldi,
fla ma Deus é mintirozu
i el poi primeru ómi ku mudjer ta rabela kóntra autoridadi di Deus.
Kantu Adon ku Eva ka obi ku Deus,
es skodje sigi Satanás.
Es rabela kóntra Jeová
i es disidi pa ses kabésa kuzê ki é dretu i mariadu.
Satanás tinha razon?
Umanus ta konsigi governa ses kabésa dretu sen ajuda di Deus?
Ta mesteba ténpu pa responde kes pergunta inportanti li.
Imajina ma un alunu rebéldi
ta fla ma manera ki profesor ta inxina ka sta dretu.
El ta insisti ma el konxe un manera midjór.
Alguns koléga di sel ta atxa ma el ten razon i es ta rabela tanbê.
Kuzê ki profesor debe faze?
El ten autoridadi pa kastiga kes alunu ki rabela.
Má modi ki kel disizon li ta afeta kes otu alunu?
Es pode perde ruspetu pa profesor
pamodi es ta atxa ma el ten medu pa fika provadu ma el ka ten razon.
Má imajina ma profesor dexa kel alunu mostra se manera di inxina.
Dipôs ta fika klaru pa tudu algen ki sta la
ken ki sabe inxina midjór.
Jeová faze mésmu kuza ki kel profesor.
Kantu Satanás dizâfia Jeová,
milhons di anju staba ta odja.
Kuzê ki Jeová ta fazeba ku kes rebéldi ta afetaba txeu tudu anjus
i ku ténpu tudu umanus.
Pur isu, Jeová dexa Satanás manda na mundu pa un ténpu.
Govérnu di Satanás sta ta traze txeu dór i sufrimentu.
Má óras ki fika provadu ma Jeová ten direitu i kapasidadi di governa,
Jeová ta ben kaba ku tudu kes disgrasa ki rebelion di Satanás traze.
Óras ki kel-li kontise,
é sô kes algen ki skodje sigi leis di Deus
ki ta ben vive na Téra.
Má timenti kel-li ka kontise,
modi ki bu pode lida ku sufrimentu?
Na undi ki bu pode atxa konsolu?
Pa bu sabe kuzê ki Bíblia ta fla sobri kel asuntu li
i txeu otus asuntu
djobe na jw.org.