JW subtitle extractor

He Aha te Take e Waiho ana te Atua
kia Mamae Tātou?
Kāhore a Ihowā Atua i hiahia
kia mamae te tangata.
Engari kē,
he tīmatanga tino ātaahua tāna
i hōmai ki ngā tāngata tuatahi.
Heoi, i whakapae
he anahera whakakeke,
a Hātana, he teka te Atua.
I akiaki ia kia kaua te tokorua tuatahi
e whakarongo ki te Atua.
Nā te kore whakarongo ki te Atua,
i aru a Ārama rāua ko Īwi i a Hātana.
I whakakeke rāua ki a Ihowā,
i whiriwhiri mā rāua e whakatau
he aha te pai, he aha te kino.
I tika rānei te whakapae a Hātana?
Ka āhei anō te tangata
te kāwana i a ia, kāhore te Atua?
Mā te wā e kitea ai i ngā whakautu
ki ēnei take nui.
Hei tauira:
Ka mea he ākonga whakakeke,
kei te hē te ako a tōna kaiako.
Ka mea kei a ia kē he ara pai ake.
Ka whakaaro ētahi atu
kei te tika te ākonga,
ka whakakeke hoki rātou.
Me aha te kaiako?
Kei a ia te mana ki te kohete
i ngā ākonga whakakeke.
Heoi, ki te pērā ia
ka pēhea ērā atu ākonga?
Kāore pea e pai tō rātou whakaaro
ki te kaiako.
Ka pēnei pea rātou he mataku ia,
kei kitea e hē ana ia.
Heoi, pēhea ki te tuku te kaiako
kia whakakite te ākonga
i tāna ara ki te karaehe.
Kātahi ka mōhiotia e te katoa,
ko wai te kaiako tika.
He rite a Ihowā ki taua kaiako.
I te wā i whakapae a Hātana
ki a Ihowā,
e mātakitaki ana ngā anahera manotini.
Ka pā ki aua anahera katoa
te whakautu a Ihowā
ki taua whakakeke,
ā, ki ngā tāngata mōhio katoa hoki
a muri ake.
Nā reira a Ihowā i tuku mā Hātana
e whakahaere te ao mō tētahi wā.
Te nui o te mamae me te auē
kua kitea i raro i te rangatiratanga
o Hātana.
Heoi anō, ka whakatūturutia
te mana me te tika
o te rangatiratanga o Ihowā,
ka wetea e ia ngā kino katoa
kua puta mai i te whakakeke a Hātana.
Hei taua wā, ko ngā tāngata anake
e whakarongo ki ngā ture a te Atua
e noho ki te whenua.
Mō nāianei,
me pēhea e kawea ai te mamae?
Ka kitea he whakamārie i whea?
Kia ako anō i ngā kōrero o te Paipera
mō tēnei kaupapa me ētahi atu,
haere ki jw.org.

He Aha te Take e Waiho ana te Atua kia Mamae Tātou?