JW subtitle extractor

‎‪¿Baʼaxten ku chaʼik Dios
‎‪ u yantal muʼyajil?
‎‪ Jéeobaeʼ maʼ u kʼáat kaʼach
‎‪ka muʼyajnak wíinikiʼ.
‎‪Le oʼolal tu beetaj tuláakal le
‎‪ku páajtal utiaʼal u yantal kiʼimak óolal
‎‪tiʼ le yáax wíinikoʼoboʼ.
‎‪Chéen baʼaleʼ Satanás,
‎‪juntúul kʼasaʼan angeleʼ,
‎‪tu yaʼaleʼ Dioseʼ chéen táan u tuus,
‎‪yéetel tu beetaj u tsʼáaikuba tu contra Dios
‎‪ le yáax wíinikoʼoboʼ.
‎‪Adán yéetel Evaeʼ
‎‪maʼ tu yuʼuboʼob u tʼaan Diosiʼ,
‎‪baʼaxeʼ tu tsʼáajubaʼob tu tséel Satanás.
‎‪Yéetel tu chʼaʼtukloʼob tu juunaloʼob
‎‪baʼax uts yéetel baʼax kʼaas.
‎‪¿Jaaj wa le baʼax tu yaʼalaj Satanasoʼ?
‎‪¿Jeʼel wa u béeytal u gobernarkuba wíinik
‎‪wa maʼ u nuʼuktalo ʼob tumen Dioseʼ?
‎‪Utiaʼal u yeʼesaʼal maʼ jaajeʼ
‎‪kʼaʼabéet u máan yaʼab kʼiinoʼob.
‎‪Koʼox ketik beyaʼ:
‎‪Juntúul j-xoknáal jach nojbaʼal u taaskubaeʼ
‎‪ku yaʼalik maʼ maʼalob bix u kaʼansaj le maestrooʼ
‎‪yéetel maʼ tu xuʼulul u yaʼalik
‎‪maas u yojel u beete.
‎‪U yéet xookoʼobeʼ
‎‪ku tuklikoʼob jaaj baʼax ku yaʼalik,
‎‪le oʼolal ku tsʼáaikubaʼob tu tséel.
‎‪¿Baʼax unaj u beetik le maestrooʼ?
‎‪Jeʼel u páajtal u jóoʼsik
‎‪ tuláakal le yanoʼob tu contraoʼ,
‎‪baʼaleʼ
‎‪¿baʼax jeʼel u yaʼalik
‎‪ yéetel u tuklik u maasileʼ?
‎‪¿Máasaʼ jeʼel u yaʼalaʼal sajak
‎‪ u yeʼesaʼal maʼ maʼalob bix u kaʼansajiʼ
‎‪yéetel jeʼel u jáawal u yeʼesaʼal tsiikil tiʼeʼ?
‎‪Beoraaʼ
‎‪tukulteʼ
‎‪le maestrooʼ
‎‪ku chaʼik tiʼ le j-xoknáal
‎‪ka u yeʼes bix jeʼel u beetkoʼ.
‎‪ Beyoʼ yaan u yilaʼal
‎‪ máax maas maʼalob u kaʼansaj.
‎‪Jéeoba xaneʼ
‎‪bey tu beetiloʼ.
‎‪Ka tu tsʼáajuba Satanás tu contraeʼ,
‎‪u millonesil angeloʼob il le baʼax úuchoʼ.
‎‪Le oʼolal jach kʼaʼabéetchaj u tuklik
‎‪baʼax ken u beet utiaʼal u yutskíintik.
‎‪Jéeobaeʼ u yojel lelaʼ,
‎‪le oʼolal u jáan chaʼamaj tiʼ Satanás
‎‪ ka u gobernart wíinik.
‎‪Leloʼ tu taasaj yaʼab muʼyajil
‎‪ yéetel yaj óolal,
‎‪chéen baʼaleʼ
‎‪Jéeobaeʼ yaan u yutskíintik
‎‪ tuláakal baʼax kʼaskúuntaʼan,
‎‪lelaʼ
‎‪yaan u beetik kéen tsʼoʼokok u chíikpajal
‎‪chéen tiʼ letiʼ yaan u derechoil
‎‪ u gobernartik wíinik.
‎‪Bey túunoʼ,
‎‪chéen le máaxoʼob ku beetkoʼob
‎‪baʼax uts tu tʼaan Dios
‎‪kun kajtaloʼob way Luʼumeʼ.
‎‪Mientras maʼ kʼuchuk le kʼiinaʼ,
‎‪¿baʼax ku páajtal k-eʼesik
‎‪ yoʼolal u chúukaʼan óolal Dios?
‎‪¿Bix jeʼel k-eʼesik k-kʼáat
‎‪ ka u gobernartoʼon Dioseʼ?
‎‪Lelaʼ jeʼel u páajtal a wilik u núukil
‎‪tiʼ u 8 xookil le folleto
‎‪U maʼalob péektsiloʼob Dios.
‎‪Éems le folleto teʼ jw.org.
‎‪U j-jaajkunajoʼob Jéeobaeʼ
‎‪yéetel kiʼimak óolal
‎‪ ken u yáantechoʼob a xok le Bibliaoʼ.
‎‪Kʼáat teʼ Internet
‎‪ ka kaʼansakech yéetel le Bibliaoʼ,
‎‪juntúul u j-jaajkunaj Jéeobaeʼ
‎‪yaan u xíimbaltkech teʼ kʼiin,
‎‪teʼ hora
‎‪yéetel teʼ tuʼux maas maʼalob a wilkoʼ.

¿Baʼaxten ku chaʼik Dios u yantal muʼyajil?