JW subtitle extractor

No te aha te Atua e
vaiiho noa ’i te mauiui?
E ere tera ta Iehova
i hinaaro no te taata.
I te omuaraa,
e oraraa faahiahia roa ta ’na
i horoa i na taata matamua.
Ua parau râ te melahi
orure hau, o Satani,
e haavare te Atua
e ua turai ia raua ia patoi
i te mana faatere o te Atua.
A faaroo ore ai Adamu e Eva i
te Atua, ua pee ïa raua ia Satani.
Ua patoi ia Iehova e ua faaoti eaha
te mea maitai e te mea ino no raua.
Ua tano anei Satani?
E nehenehe anei iho â te
taata e faatere ia ratou?
E titauhia te taime no te pahono
i tera mau uiraa faufaa roa.
Ei hi‘oraa,
e parau te hoê piahi orure hau e mea
hape te huru haapiiraa a te orometua.
E parau te piahi e mea
ite a‘e o ’na i te orometua.
E turu mai te tahi mau piahi
ia ’na, e orure hau atoa ratou.
E nafea ïa te orometua?
Ia a‘o o ’na i te mau piahi orure hau,
eaha ïa te mana‘o o te tahi mau piahi?
Aita paha ratou e
faatura faahou ia ’na,
e mana‘o ratou e mǎta‘u
o ’na ia itehia e ua hape oia.
Teie nei, e vaiiho te orometua
ia faaite te piahi i ta ’na raveraa.
I reira noa ïa e itehia ’i o vai te tano.
Ua rave atoa Iehova
mai te orometua haapii.
A faahapa ’i Satani ia Iehova,
to reira atoa te mau mirioni melahi.
Ahani o Iehova i
haamou i tei orure hau,
eaha to te mau melahi e
taata mana‘o i tera taime?
No reira Iehova i vaiiho ai ia Satani
ia faatere i teie ao no te hoê taime.
E faatupu te faatereraa a
Satani te oto e te mauiui rahi.
Mea papu, o Iehova ana‘e
te tia ia faatere ia tatou.
E faaore oia i te ino ta te
orure hau a Satani i faatupu.
O te feia ana‘e tei maiti i te haapao i te mau
ture aveia a te Atua te parahi i nia i te fenua.
Teie nei, maoti te faaoromai o te Atua,
eaha ta tatou e nehenehe e rave?
E e nafea ia faaite e ua maiti
tatou i te Atua ei Faatere?
Pahonohia teie mau uiraa
e te tahi atu i te haapiiraa 8
o te buka rairai
Parau apî oaoa a te Atua.
Ta oe ïa e nehenehe
e rave mai i nia jw.org.
E oaoa te mau Ite no Iehova
i te haapii ia oe i te Bibilia.
A faaî i te aniraa i nia i te reni
Internet no te hoê haapiiraa Bibilia.
E haere mai te hoê Ite no Iehova e farerei
ia oe i te taime e te vahi ta oe e maiti.

No te aha te Atua e vaiiho noa ˈi te mauiui?