JW subtitle extractor

¿Jamüsü nuuʼulaaka Maleiwa
eein kasa mojusü otta müliaa?
Nnojoishii nukumajüin Maleiwa
na wayuukana
süpüla müliain naya.
Anashaatasü nukuwaʼipa
chi palajachikai toolo
jee tü palajatkat jierü
nutuma Maleiwa.
Eepajaʼa wanee aapiee
mojulaashi,
Satanaa münüshi,
alaa chi Maleiwakai naashin,
niʼikeʼerüin Adán sümaa Eva
süpüla nayoutuin aluwataanaa.
Moonooinsalii naya
sümaa nünüiki Maleiwa,
nia noʼunaka achiirua Satanaa.
Eʼrüliishii wayumüin
jee naneeküin süka
naaʼin namüiwaʼa
kasain anain jee mojuin.
¿Shiimainche tü nümakat Satanaa?
¿Aneetche nakuwaʼipa na wayuukana
naluwanaajiraale saaʼu
nakuwaʼipa namüiwaʼa?
Alatajatü wainma kaʼi
süpüla sütüjaanüin aaʼu
shiimainre nanüiki
na eʼrüliikana wayumüin.
Weʼitaa wanee shiyaawase.
Eeshi wanee jintüi eʼrüi wayumüin.
Matüjainsai chi ekirajüikai naashin.
Nia atüjaleeka naashin.
Otta müshiʼiya noʼutku na ekirajaakana,
nanoujain nünüiki
otta eʼrüijaashi wayumüin.
¿Kaseet naainjaka chi ekirajüikai?
Eeshii süpüla nüjünajaain
na eʼrüliikana wayumüin,
¿jameerü nanüiki na waneinnua
naainjüle tia?
Eeshii süpüla namüin:
«Shiimain tü nümakat chi jintüikai
otta na nümaajanakana».
Mojuteechika namüin chi ekirajüikai.
Akaisaʼa chi ekirajüikai
nuuʼulaain chi jintüi eʼrüikai wayumüin
niiʼiyatüin namüin na waneinnua
shiimainre niain atüjain maʼin nuulia.
Müsia tü naainjakat Jeʼwaa.
Wainma maʼin aapiee
eʼraka tü naaʼinrakat Satanaa
wanaa sümaa nujuyaajüin Maleiwa.
Tü naaʼinrajatkat Jeʼwaa
saaʼujee tü alatakat Edén,
nanainpünaainjatü shia
na aapieekana
otta na wayuukana.
Nuuʼulaain Jeʼwaa
niiʼiyatüin Satanaa
sukuwaʼipa nuluwataaya.
Watta saalii müliaa
sutuma niain aluwataain Satanaa.
Eepajaʼa tü naaʼinreetkat Jeʼwaa,
najaʼttireerü
tü kasa mojusü eekat
sutuma niʼrüin wayumüin Satanaa.
Naaʼinreerü tia sütüjaanapa aaʼu
niain anain süpüla aluwatawaa.
Nayeena neʼe kepiakana
saaʼu tü mmakat
na wayuu oonookana sümaa
tü nuluwataakalü anain Maleiwa.
¿Kasa waaʼinrajatka süka
kaʼatapalain Maleiwa?
¿Kasa waaʼinrajatka süpüla
nümaain waya Maleiwa?
Aküjünüsü tia sünain
ekirajaaya mekiisat
suluʼu tü karaloʼutakat
Pütchi Anasü nutuma Maleiwa.
Püdescargaaja shia suluʼujee jw.org.
Aneerü maʼin namüin
na aküjaliikana pütchi
nekirajüin pia sünain tü Wiwüliakat.
Puchunta ekirajawaa
sünain tü Wiwüliakat.
Pipiraja tü yaakat
suluʼu Internet.
Ekirajüneechi pia
eere anain saaʼin pümüin
soʼu tü oora püchekakat.

¿Jamüsü nuuʼulaaka Maleiwa eein kasa mojusü otta müliaa?