JW subtitle extractor

Yaʼab máax tuklikeʼ
tuláakal le religionoʼoboʼ
maʼalob yaniloʼob tu táan Dios
tumen tuláakloʼob
ku natsʼkoʼob máak tu yiknal.
¿Jach wa tu jaajil leloʼ?
¿Ku kʼamik wa Dios
tuláakal le religionoʼoboʼ?
Le Bibliaoʼ ku yaʼalikeʼ
le religionoʼoboʼ beyoʼob
kaʼapʼéel bejoʼobeʼ.
Junpʼéeleʼ kóoch
yéetel yaʼab
máax ku biniʼ,
le uláakʼoʼ nuʼutʼ
yéetel maʼ yaʼab
máax ku biniʼ.
Teʼ bej nuʼutʼoʼ
tiʼ yaan le máaxoʼob
kʼamaʼanoʼob
tumen Diosoʼ,
letiʼobeʼ
yaan u kuxtaloʼob
minaʼan u xuul.
¿Bix jeʼel k-ojéeltik
wa maʼalob tuʼux táan k-bineʼ?
Koʼox aʼalikeʼ
tsʼoʼok a saʼatal
yéetel maʼ a wojel tuʼux unaj a biniʼ.
Juntúul wa máaxeʼ
ku yaʼalik ka xiʼikech lakʼin.
Uláakʼeʼ ka xiʼikech chikʼin.
Tu tsʼookeʼ ku yeʼesaʼaltech
yéetel junpʼéel mapa
xaman unaj u seguer a bin.
¿Máasaʼ maas jeʼel a bin tuʼux
ku yeʼesik le mapaoʼ?
Jeʼex le mapaoʼ,
le Biblia xanoʼ ku yáantkoʼon k-il
bix uts tu tʼaan Dios ka k-adorarte.
Wa beyoʼ,
¿baʼaxten jejeláas baʼaloʼob
ku kaʼansaʼal tiʼ cada religión?
Yaʼab religionoʼobeʼ
ku kaʼanskoʼobeʼ kéen kíimik máakeʼ
ku bin u pixan
wa u espíritu yaanal tuʼux.
Uláakʼoʼob xaneʼ ku kaʼanskoʼobeʼ
ku jel síijil máak yaanal tuʼux
wa jejeláas bix u tsʼoʼokol.
¿Máasaʼ maʼ jujunpʼéeliʼ
baʼax ku kaʼanskoʼobiʼ?
¿Jach wa jaaj tuláakal
baʼax ku kaʼanskoʼob?
Jeʼex le mapa t-aʼalajeʼ,
le Biblia xanoʼ
ku yeʼesikeʼ le kimenoʼoboʼ
maʼ u yojloʼob mix baʼaliʼ.
Maʼ tun xáantaleʼ
Dioseʼ yaan u kaʼa líiʼsik
le utsul máakoʼob utiaʼal ka kuxlakoʼob
teʼ Paraíso kun antal way Luʼumoʼ.
Lelaʼ letiʼe baʼax ku kaʼansik le Bibliaoʼ.
¿Yaan wa ta tʼaan uláakʼ
baʼax maʼalob ku kaʼansik?
Wa juntúul máax suuk u yaʼalik
wa u beetik baʼaloʼob kʼaastakeʼ,
¿máasaʼ chéen kunel u yaʼalik
táan u adorartik Dios?
Le Bibliaoʼ ku yaʼalikeʼ
yaan u kʼastal le
máakoʼob teʼ kʼiinoʼobaʼ
yéetel maʼ ken
u beetoʼob baʼax uts.
Chéen baʼaleʼ
ku yaʼalik xaneʼ
le máaxoʼob jach tu
jaajil adorartik Diosoʼ
yaan u beetkoʼob
baʼax maʼalob
yéetel yaan u yeʼesik
u yutsiloʼob tiʼ u maasil.
Kex yaʼab
religionoʼob yaneʼ,
maʼ tuláakal le religionoʼob
kʼamaʼanoʼob
tumen Diosoʼ,
chéen junpʼéel
kʼamaʼaniʼ.
Le máaxoʼob
yanoʼob ichil u jaajiloʼ
uts u lúubloʼob tiʼ Dios yéetel bíin
kuxlakoʼob minaʼan u xuul.
Maʼ xaaneʼ techeʼ ka tuklik:
«¿Bix jeʼel in wojéeltik
máakalmáak u jaajil religioneʼ?».
Lelaʼ tiʼ ku tsoʼolol
tu diez xookil le folleto
U maʼalob péektsiloʼob Dios.
Éems le folleto
teʼ sitio jw.org.
Wa uts ta tʼaaneʼ
jeʼel k-kaʼansikech yéetel le Bibliaoʼ.
Túuxt a solicitud tiʼ Internet,
juntúul u j-jaajkunaj Jéeobaeʼ
jeʼel u xíimbaltikech teʼ hora
yéetel teʼ tuʼux
maas maʼalob a wilkoʼ.

¿Ku kʼamik wa Dios tuláakal le religionoʼoboʼ?