JW subtitle extractor

Maro ty olo mino hoe
tsy manahy ze fivavaha filinao,
fa sahala amy lala maro io ty fivavaha,
fe samby avy amy pilasy raiky,
zany hoe samby hahazo ty fitahia-Ndranahary.
Mba marina avao va zay?
Ekè-Ndranahary va lafa atao fivavaha?
Ty Baiboly mihintsy ro mivola
fa sahala amy lala roe ty fivavaha:
Ty raiky malalaky noho maro mpandeha.
Fa ty raiky tery sady
vitsivitsy ty mahita azy.
Raiky tery io avao ro mampiseho
ty fivavaha ekè-Ndranahary,
sady ahazoa fiaina noho fitahia baka aminy.
Ino ty ahaizantsika hoe mety ty lala filintsika?
Eritsereto hoe trobo iha.
Mikaiky olo iha mba hanoro lala anao.
Ty raiky mampandeha anao antinana,
fa ty raiky manondro manandrefa.
Farany, misy olo manday sarintany
manoro anao hoe manavaratsy raha zao.
Ty ahin’ia ro hinoanao?
Sahala amy sarintany ty Baiboly,
ka atorony antsika ty fomba
ahazoa fitahia baka amy Ndranahary.
Ka manino ro mifanohitsy
ty raha maro inoani-fivavaha?
Maro ohatsy ty fivavaha mampianatsy hoe
velo zisiky farany ambalibaliky any ty fanahin’olombelo,
fa ty ilany mino hoe ateraky ndraiky ie
fe manjary olo hafa na biby na hazo.
Ohatsy raiky avao zay,
fa maro ty raha mifanohitsy inoan’olo.
Mety ho samby marina iaby va
ty raha ampianarini-fivavaha?
Hita amy sarintany iny ao hoe
tsy mahay ndre ino ndre ino ty maty.
Ndraiky andro any, le hovelomi-Ndranahary ndraiky rozy
ka hiay zisiky farany an-tany etoa ty olo-marina.
Mazava ty raha ampianarini-Baiboly mikasiky an’iny,
fa manao akory ty raha hafa,
ohatsy hoe fandaisam-bata?
Afaky mifily ty fivavahantsika tsika,
fe laha tsy tea-Ndranahary ty fandaisam-batantsika,
le tsy misy dikany ty fivavahantsika.
Mivola ty Baiboly fa maro henanizao
ty olo ‘tsy mahafehy ty vatany,
masiaky marè, tsy tea raha soa.’
Fe mivola koa ie fa tea filongoa
ty mpivavaky amy Ndranahary,
sady miamby soa amy
ze raha volaniny noho ataony.
Tsy mivola ty Baiboly hoe
maro ty fivavaha mampifaly a Ndranahary,
fa volaniny hoe raiky avao ty finoa.
Manampy ty olo hifandramby soa
amy Ndranahary ty fivavaha marina
sady mitariky azy ho amy fiaina zisiky farany.
Teanao ho hay vasa hoe:
‘Akory ty ahaizako hoe ia ty fivavaha marina?’
Mamaly ani-fanontanea io noho ty maro hafa
ty fianara faha-10 amy bokikely hoe
Vaovao Soa Baka amy Ndranahary!
Azonao alà amy jw.org ao bokikely io.
Ho falifaly hiaraky mianatsy Baiboly aminao
ty Vavolombeloni-Jehovah.
Fenò ty fangataha hianatsy Baiboly
amy Internet ao,
le hisy Vavolombeloni-Jehovah hitsidiky anao
amy fotoa noho pilasy mety aminao.
.

Ekè-Ndranahary va Lafa Atao Fivavaha?