JW subtitle extractor

Saashin wainma wayuu,
anasü nümüin Maleiwa süpüshuaʼa
tü iküleesiakalüirua
otta arütkaasü wayuu nünainmüin
Maleiwa sükajee tia naashin.
¿Shiimainchejeʼe tia?
¿Anasüche nümüin Maleiwa
süpüshuaʼa tü iküleesiakalüirua?
Aashajaasü tü Wiwüliakat
süchiki piamasü wopu,
wanee wopu jerutsü
eere suʼunuin watta saalii wayuu
otta wanee wopu mouisü
eere suʼunuin palitchon wayuu.
Tü wopu mouisükat shia
tü anoujaa anakat no’ulu’u Maleiwa
otta tü katüinjatkalü atuma soʼu wayuu.
¿Shiache pu’unaka aluʼu tia wopukot?
Jamüsüjaʼa maaʼawale wanee wayuu,
«¿jalasü tia makalü?» eesüjaʼa sümüle.
«Ichaa wüinpümüin»
eesüjaʼa sümüle wanee wayuu sümüin.
«Ichaa wopumüin» müshi wane.
Mapa ee’iyatünüsü sümüin
wanee maapa
sutuma wanee wayuu sümaa süküjain
chain palaamüin eeinjatüle shia.
¿Jaraleetche sunoujaka amaa anüiki?
Tü Wiwüliakat müsü aka saaʼin
wanee maapa,
shia tü antirakat waya sünain
tü anoujaa anakat noʼuluʼu Maleiwa.
¿Jamakaʼa naatawaika
tü sunoujakalü anain wayuu?
Wainma iküleesia ekirajaka sünain
suʼunuin naaʼin wanee wayuu outapa nia
otta eesü shikirajünüle joʼuuin nachikuaʼa
na outushiikana suluʼu wayuuin naya
jee waneejatüin nakuwa’ipa.
Tia süpüshi neʼe tü kasa nnojotkat wanaawain
atuma tü shikirajakat tü iküleesiakalüirua.
¿Ekirajünüsüche tü shiimainkat suluʼu
süpüshuaʼa tü iküleesiakalüirua?
Saashin tü Wiwüliakat,
nnojorüleesia kasain natüjaain aaʼu
na outushiikana,
jama outuinnapain naya.
Alüʼütsü süpüla nüsoʼireʼerüinjatüin
Jeʼwaa naaʼin na outushiikana
süpüla katüinjatüin noʼu saaʼu tü Mmakat.
Pansaasü tü süküjakat
tü Wiwüliakat süchiki tia.
¿Süküjainche tü Wiwüliakat
tü wakuwaʼipainjatkat?
Jaʼitaina suluʼuin waya wanee iküleesia,
mojushiijeerü wanoula noʼuluʼu Maleiwa
müleka waainjale kasa mojusü.
Süküjain tü Wiwüliakat
nnojoluinjatüin süchecherüin saaʼin
wainma wayuu maaʼulu,
maaʼinjatüin saaʼin sümaa jashiee
jee shiyoutuinjatüin tü anasükat.
Akaʼaya tü Wiwüliakat,
süküjain tü nakuwaʼipainjatkat
na anoujashii shiimainshiikana,
anamiainjanain naya
otta nayaawatüinjatüin saaʼu nanüiki
jee tü naaʼinrakat.
Saashin tü Wiwüliakat,
nnojotsü anain nümüin Maleiwa
süpüshuaʼa tü iküleesiakalüirua,
waneesia neʼe tü anoujaa
anakat noʼuluʼu.
Aleewashii nümaa Maleiwa
na anoujashii shiimainshiikana
otta kateerü noʼu waneepia.
Aküjünüsü tia suluʼu tü karaloʼutakat
Pütchi anasü nutuma Maleiwa,
ekirajaaya 10.
Püdescargaaja shia suluʼujee jw.org.
Nekirajeechi pia na aküjaliikana
pütchi nüchiki Jeʼwaa.
Puchunta ekirajawaa sünain
tü Wiwüliakat,
pipiraja tü yaakat suluʼu Internet,
ekirajüneechi pia eere
anain saaʼin pümüin,
soʼu tü oora püchekakat.

¿Anasüche nümüin Maleiwa süpüshuaʼa tü iküleesiakalüirua?