JW subtitle extractor

Daˈahö na te rotsaˈrata dzaˈra ni
aiwaptsi na hã atsimidzadze marĩ õ di,
te natsi nharĩ dzaˈra danhimidzadze norĩ
aiwa bödödi ne,
dza ĩdatsihutu na hã
Höimanaˈuˈö nhõprubdzéb u.
E tô tsena.
E Höimanaˈuˈö tãma rowẽ
uburé danhimidzadze norĩ hã.
Bíblia te ãma ĩtsimiréˈé,
datsimidzadze norĩ aiwa maparane bödödi ne.
Mitsi bödödi ĩtsaˈẽne,
daˈahöna te aiˈabaré ni,
duré bödödi ĩtsyryre na hã
daˈumru na te dza tsõpẽtẽ dzaˈra ni.
Bödödi ĩtsyryre na hã danhimidzadze ĩˈuptabi ne.
Höimanaˈuˈö nhoprubdzé ĩwẽ u
duré dahöimana uˈötsi mono dzéb u.
E niha wa dza waihuˈu dzaˈra ni
bödödi ĩˈuptabi ãma ˈre wahöimana dzaˈra dzô.
Ãma ĩtsimiréˈé,
tsitsimini wamhã,
tawamhã
niˈwa te dza aima tinha aipawaptob da:
“Ĩtsimiˈre niwi, aimorĩ”.
Ĩhöiba amo te dza aima tinha:
“Ĩtsimiˈe niwi”.
Tadzahã
mitsi piˈõ tiˈa podo ĩré hã
te dza aima tinha:
“Ãhã ta bödödi ĩˈuptabi aimorĩ da”.
E ˈwa hã te dza ĩpitsu tsadze da.
Bíblia tiˈai poto ne,
marĩ wẽ norĩ hã Höimanaˈuˈö nhoprubdzéb u
te dza waˈãwitsi dzaˈra.
Tadzahã,
e marĩ wa danhimidzadze norĩ
ĩtsimirowahutu dzaˈra hã tsiwab mo di.
Ãma ĩtsimiréˈé:
niˈwam dzanhimidzadze norĩ te rowahutu dzaˈra
niˈwa döˈö wamhã
ĩhöiba warõ dza ĩhöimana na hã höiwa ãma,
duré ĩhöiba amo danhimidzade norĩ te rowahutu dzaˈra
ĩhöiba warõ ĩpoto dzahu na hã niˈwa aˈuwẽ höiba na,
niwamhã abadze na, niwamhã rowede na.
Taha wama hoiˈré
itsimirowahutu dzaˈra hã tsiwab mo di.
Tadzahã,
e uburé danhimidzadze norĩ
ĩtsimirowahutu dzaˈra hã ĩˈuptabi hã.
Bíblia tiˈai poto ne,
õhã te rowahutu,
wadöˈö dzaˈra wamhã
wanhimirotsaˈrata dzaˈra te dza aiˈutõrĩ dzaˈra
duré romhutuˈõmhã Höimanaˈuˈö dza te te ĩˈdaˈahöiwautu na hã,
duré ĩhöimana wẽ norĩ dza ˈre ĩhöimana dzaˈra mono na hã.
Duré Bíblia te wama rowahutu dzaˈra,
e niha wahöimanadzé hã dza.
Ãma ĩtsimiréˈé,
ãté atsimidzadze ĩré hã,
tane nherẽ
atsimiˈmanharĩdzé wẽˈõ wamhã
Höimanaˈuˈö te te tãma rowẽ õ di dza.
Bíblia te tinha:
‘Wanhimibötö na hã datsitétédzé dzaˈra õ di dza
duré dzadzahi uˈötsi te dza ˈre dahöimana dzaˈra,
duré te dza ĩrobˈmanharĩ watsété dzaˈra ni’.
Tane nherẽ
Bíblia te ãma rowatsuˈu
Höimanaˈuˈö ãma ˈre ĩwata dzaˈra mono norĩ ma tsi
romharé na te dza ˈre romhöimana
duré marĩ wẽ norĩ hã te te ĩˈmanharĩ dzaˈra na hã.
Tawamhã
Bíblia te te nharĩ õ di Höimanaˈuˈö tãma rowẽ
uburé danhimidzade norĩ hã.
Tadzahã
Bíblia dzarina
Höimanaˈuˈö tãma rowẽ danhimidzadze mitsi haré.
Danhimidzadze ĩˈuptabi te dza wapawaptob dzaˈra
Höimanaˈuˈö watsiwaihuˈu da hã,
duré dahöimana uˈötsi mono dzéb u.
Ãté te atsitsadanha:
‘E niha te dza ĩwahu danhimidzadze ĩˈuptabi hã’.
Te dza ĩˈmadö romnhihödö 10 ãma
ĩtsõrédzem na
Romahörö Wẽ Höimanaˈuˈö Hawimhã!
Te dza ĩtsõpẽ site jw.org na.
Jeová Watsuˈuˈwa norĩ ma wẽ di dza
Bíblia na te te aima romnhoré da.
Waptẽrẽ site na,
tawamhã
niˈwa Jeová Watsuˈuˈwa te dza mo atsõrõwa u.

E Ropotoꞌwa te tãma rowẽ uburé danhimidzadze norĩ hã.