JW subtitle extractor

Daizeze Bed’eabara jarabʉ
Daizezebara dayi “Yiwid’ibʉ ũrĩbarita”.
Iya dayirã yiwid’ibʉra ũrĩseabʉ
chupea yiwid’ipanʉmina.
¿Sãwũã mawũã oseabʉpe?
Dayi Yiwid’i ũrĩbʉra dayi parãna.
Akʉza iya bi’ia kaubʉ dayirã sãwũã krĩchabʉra
iya parãsi baera.
Maʉ̃ k’area dayi sãwũã krĩchabʉra, kauchʉ
akʉza dayi chupea yiwid’ibʉrʉde, ũrĩbʉ.
Jeowabara krĩcha ẽ dayirã samabemara,
iya jõma kãgabʉ baera.
Akʉza bed’ea awuara awuaraka
bed’easeapanʉ, iya ũrĩbʉ baera.
Mamina ¿dayirã yiwid’ira jõma ũrĩbʉka?
Krĩchara nok’o abaʉba
iyi nezok’aba sãwũã nezrʉgabʉta ũdubʉta.
Nok’ora wãsi iyi nezok’aʉ̃me bed’eaita,
iyi nezok’abara aba eda jarasi iya oda ẽãta,
mamina tẽã jarasi k’ãrẽã osita.
Maʉ̃ nok’obara iyi nezok’a sewa nebʉrata ũrĩpe
ĩjã ẽ basi iya jaradara.
Abarikabʉ Daizezeʉ̃me,
iyara jõma ũrĩ ẽ yiwid’ira.
Bari jaraita, ¿k’ãrẽta berabaribʉ
ẽbẽra iyitrʉ bia wãita yiwid’ibʉra?
¿Yumakẽrã abaʉba yi kimata pobʉbʉrʉ
akʉza tẽã yiwid’ibʉbʉrʉ
Daizezeba nebia diamarẽã?
¿K’ãrẽta sãwũã berabaribʉ
gorogororaba widibʉbʉrʉ
Daizeze’a yi jʉrarata k’areba beabamarẽã,
mamina yi nejʉraraba abarika widibʉbʉrʉ?
¿Maʉ̃ yiwid’ira Daizezebara ũrĩka?
Daizezebara ũrĩ ẽ,
ẽbẽrarãba iya kãga ẽãne
widipanʉra bed’eara.
Mamina Daizezebara kãgade ũrĩbʉ
dayirã yiwid’ira, nemitia osidamina,
dayirãba iyita orrara,
yi edebira akʉza dayirã
nemitiata kĩrãduamarẽã jʉrʉra.
Dayirãbara k’awuaseapanʉ
iyara dayirã yiwid’ira ũrĩta
dayirãba zarea obʉdade iya kãga oita.
Mamina ¿Sãwũã yiwid’ibara?
¿K’ãrẽ biata ũdudai Daizeze k’aitabʉbʉrʉ?
Naʉ̃ra panʉñi karta
Daizezebara bed’ea biata erbʉ dayirãita,
yi 12de.
Bʉara ʉ̃tʉzebiseabʉ jw.org de.
Jeowa ʉ̃rʉ K’awuabipanʉrãbara
k’arebakĩrãpanʉ Daizeze Bed’ea k’awuamarẽã.
Widida internet’ne
Jeowa ʉ̃rʉ K’awuabipanʉrã abaʉba akʉ zemarẽã
bʉa jarada ũmadaʉde akʉza bʉa jarada mae.

¿Daizezebara ũrĩbʉka ẽbẽra jõmaʉ̃ba yiwid’ibʉra?