JW subtitle extractor

Refo ya dap Allah I ḇe ”Manḇerower nadi.”
Fyor koḇenadi ro sne koḇena
Allah ryower na kako.
Rariso kofawi na rai?
Kaku ya manḇerower nadi ine iso ḇefrur ko.
Inja ifawi pyum nyan awuk koḇena nambran rai.
Snaro iso ḇefrur na, inja ifawi
roi bero swaruser koḇena
ma ryower nadi kokofen ro sne ya.
Allah Yahwe iswar kaku kokame.
Ro moḇ sairirya monda
ma wawos ro wos risai monda,
Ifawi na.
Ḇape ryower ma imarisen
faro nadi nakam ke?
Wakkarapan, bos oso myam
pegawe ḇyesi oso kyaraw pipi.
Ifuken i.
Ḇape pegawe ani dankar
ma dawoswar’k mankundi.
Bos ani na ryower wos ikofen na,
ḇape ankarkar ma roi ikofen na
imarisen na ḇa.
Rarirya kako, Allah na ryower nadi nakam ḇa.
Imnis raris,
rariso fyor ono sisya senadi
faro fandun mankun sena monda?
Rariso rofyor snonswa oso
ifrur pyum swari ḇa.
Ramnai meser ḇyenadi
fa dor barakas ro Allah?
Rariso fyor sordade oso inadi
insama bisa semenang,
imboi mbroḇ ḇyesi kako
sḇenadi kuker roi ḇemnis?
Na Allah imarisen nadi ḇeraryan na ke?
Kaku ḇae, na Allah imewer ryower
nadi ḇemnis kuker marisen Ḇyena ḇa.
Kofrur roi ḇeḇyeḇa ro fafisu iwara rariryano,
Allah nari ryower nadi koḇena.
Imbape fandun fa kofrur na
kuker sne ḇesiper
ma koḇenadi kor farkankin
ma ḇaḇeampun ro I.
Imbo, Allah nari ryower nadi ro snonkaku
ḇesewar fa ḇefrur marisen Ḇyena.
Inja,
Kankarem ḇyena naisya ro farkarkor 12
ro syap Ankankinem Ḇeḇye Ḇerama Ro Allah!
Ḇedownload na ro jw.org/bhw.
Saksi-Saksi Yahwe simarisen
sifnoḇek au fa wafarkor Refo ya.
Waser formulir ro situs nkoḇedi,
ma nari Saksi Yahwe oso ryama ḇe au,
fa mufarkor Refo ya ro oras
ma moḇ wamarisen ya.

Allah Ryower Nadi Nakam Ke?