JW subtitle extractor

Bibl heyiɣ-ɖʋ se Ɛsɔ kɛ adɩma welisiyu
Halɩ ɛpɩzɩɣ nɛ ɛnɩɩ adɩma
wena ɖɩlakɩ ɖa-laŋa taa yɔ.
Ɛzɩma pɩpɩzɩɣ nɛ pɩla mbʋ?
Ɛsɔ weyi ewelisiɣ adɩma yɔ,
ɛnʋ lɩzɩnɩ pɩtɩŋa.
Ɛsɩm ɛzɩma ɛyʋ maɣzɩm lakɩ tʋmɩyɛ yɔ.
Ɛnʋ labɩnɩ ɛyʋ maɣzɩm.
Pʋyɔɔ lɛ, ɛpɩzɩɣ nɛ ɛtɩlɩ ndʋ ŋmaɣzɩɣ yɔ
nɛ ɛnɩɩ ɖɔɖɔ adɩma wena ŋlakɩ ña-laŋɩyɛ taa yɔ.
Paa le ŋtɩɩwɛɛ yɔ,
Ɛsɔ Yehowa maɣzɩɣ ñɔ-yɔɔ.
Paa kʋnʋŋ ŋgʋ ŋtɩɩyɔɔdʋʋ yɔ, ɛnɩɣ-kʋ.
Ɛlɛ ɛzɩ Ɛsɔ welisiɣ yaa ɛmʋʋ adɩma tɩŋa na?
Kpaɣ se tʋmɩyɛ ñʋʋdʋ nɔɔyʋ na
ɛ-tʋmlaɖʋ nɔɔyʋ ɖiɣni mɩlʋʋ.
Tʋmɩyɛ ñʋʋdʋ kpa-ɩ,
ɛlɛ kajalaɣ taa lɛ ɛkpɛzɩ,
nɛ pʋwayɩ lɛ ɛñɩnɩ se ɛlɩzɩ tʋmɩyɛ ñʋʋdʋ
mbʋ pʋyɔɔ ɛlabɩ mbʋ yɔ pɩ-taa.
Pɩkɛ toovenim se tʋmɩyɛ ñʋʋdʋ welisi ɛ-cɛtɩm tɔm
nɛ ɛ-kawanaɣ tɔm,
ɛlɛ ɛtɩmʋ-tʋ
Mbʋ ɖɔɖɔ Ɛsɔ ɛɛmʋʋ adɩma tɩŋa.
Kɩɖaŋ nɩɩyɩ yɔ,
ye nɔɔyʋ ɛpɔzʋʋ adɩma taa se piɖeni e-ɖeke,
Ɛsɔ pɩzɩɣ nɛ ɛmʋ adɩma ana?
Ye abalʋ nɔɔyʋ ɛnazɩɣ ɛ-halʋ nɛ pʋwayɩ lɛ
ɛpɔzʋʋ Ɛsɔ wazasɩ,
Ɛsɔ pɩzɩɣ nɛ ɛmʋ ɛ-adɩma na?
Ye sɔɔjanaa nabɛyɛ ɩpɔzʋʋ Ɛsɔ se ɛsɩnɩ mba
nɛ paɖɩzɩ po-koyindinaa,
nɛ po-koyindinaa ñɔpɔzʋʋ tɔm kʋɖʋmtʋ ndʋ ɖɔɖɔ,
Ɛsɔ pɩzɩɣ nɛ ɛmʋ pa-adɩma na?
Pɩtʋ kpayɩ kpayɩ se Ɛsɔ ɛɛmʋʋ adɩma
wena aalakɩ nɔɔ kʋɖʋmaɣ nɛ wezuu caɣʋ paɣtʋ kila wena ɛha-ɖʋ yɔ
Ɛlɛ, Ɛsɔ ɖaŋ kpam se ɛmʋ ña-adɩma,
paa ŋlabɩ mbʋ pɩfɛyɩ ɖeu yɔ
nɛ ŋñɩnɩɣ siŋŋ se ŋñɔtɩnɩ-ɩ nɛ ŋpɔzʋʋ-ɩ se ɛkpaɣ nɛ ekpeɣ-ŋ
nɛ ɛha-ŋ ɛ-lɔŋsɩnɖɛ yɔ.
Mba pañakɩ pana siŋŋ se pɔ-tɔ m ɛkɛdɩnɩ Ɛsɔ yɔ,
ewelisiɣ pa-adɩma nɛ ɛmʋʋ-yɛ.
Ɛzɩma pʋmʋnaa se ŋtɩmɩ ?
Ye ŋñɔtʋʋnɩ Ɛsɔ yɔ,
wazasɩ nzɩ ŋkaɣ hiɣu?
Pocosi tɔm tʋnɛ tɩ-yɔɔ takayaɣ ŋga payaɣ se
Laŋhɛzɩyɛ tɔm ndʋ tɩlɩnɩ Ɛsɔ cɔlɔ yɔ,
kɔ-tɔm kɩkpɛlɩkɩtʋ 12 taa.
Ŋpɩzɩɣ nɛ ŋkpaɣ-kɛ jw.org yɔɔ.
Pɩkɛdɩɣnɩ Yehowa Aseɣɖe Tɩnaa
se ña nɛ wɛ ɩkpɛlɩkɩ Bibl.
Tɩŋnɩ ɖɛ-tɛ intɛrnɛɛtɩ lone yɔɔ
nɛ ŋpɔzɩ se Yehowa Aseɣɖe Tʋ nɔɔyʋ ɛkɔɔ nɛ ña nɛ ɩ ɩkpɛlɩkɩ Bibl alɩwaatʋ
nɛ lone nɖɩ ŋsɔɔlaa yɔ ɖɩ-taa.

Ɛsɔ welisiɣ adɩma tɩŋa na?